Foto: Ashyq derekkóz
«Azamattar elimiz boıynsha ushaqtarda, poıyzdarda sıfrlyq qujattar bazasy negizinde jeke basyn kýálandyratyn qujattarynsyz alańsyz júre alady. Bıyl 200 mln-nan astam qyzmet kórsetildi», dedi Jaslan Mádıev.
Taǵy bir mysal – onlaın notarıýs. Azamattar Qazaqstannan tys jerde bolsa da onlaın qyzmet ala alady. Mundaı qyzmetter 175 myńnan astam ret kórsetilgen.
Jaslan Mádıev azamattarǵa avtomatty túrde, olardyń ótinishinsiz usynylatyn proaktıvti qyzmetterdi engizýdiń mańyzyn atap ótti. Sonymen qatar mınıstr ataýly áleýmettik kómektiń quralyna aınalǵan áleýmettik ámııandy engizý týraly aıtty.
«Memleket basshysynyń tapsyrmasy boıynsha biz eki negizgi qyzmetten bastadyq: oqýshylarǵa tegin ystyq tamaq berý jáne tegin dári-dármek usyný», dedi J.Mádıev.
Aıta keteıik, búginde 703 myńnan astam oqýshy tegin ystyq tamaqpen qamtamasyz etilgen. 2 myńnan astam mektep qamtylǵan. Memlekettik dárihanalar júıege tolyǵymen qosylǵan jáne qazirdiń ózinde 1,5 mln-nan astam resept berilgen.
