Foto: instagram.com/azamat_sarsenbayev/
«Vedomstvonyń kóliktegi oqıǵalar men ınsıdentterdi tergeý departamentiniń qyzmetkerleri avıasııalyq oqıǵa ornynda júr. Tergep-tekserý jumystary aıasynda tıisti sharalar qabyldanyp jatyr», delingen habarlamada.
Sonymen qatar Qazaqstanǵa Ázerbaıjan Respýblıkasy Azamattyq avıasııa memlekettik agenttiginiń delegasııasy, sondaı-aq Azerbaijan Airlines (AZAL) avıakompanııasynyń ókilderi kelip jetkenin aıta ketý kerek.
Barlyq jumystar Ázerbaıjannyń avıasııalyq bıligimen birlese júrgizilip jatyr.
«Sondaı-aq Qazaqstanǵa Embraer áýe kemesin óndirýshi kompanııa ókilderi jáne CENIPA (avıasııalyq oqıǵalardy tergeý jáne aldyn alý ortalyǵy, Brazılııa) ushyp keledi», delingen mınıstrlik habarlamasynda.
Aıta keteıik, Aqtaý qalasyna Premer-mınıstrdiń orynbasary Qanat Bozymbaev bastaǵan Úkimettik komıssııa quramynda QR Kólik mınıstri Marat Qarabaev, kólik vıse-mınıstri Talǵat Lastaev, kóliktegi oqıǵalar men ınsıdentterdi tergeý departamentiniń dırektory Nurjan Malaev, Azamattyq avıasııa komıtetiniń tóraǵasy Saltanat Tompıeva, «Qazaeronavıgasııa» RMK bas dırektory Nurjan Ahmetov bardy.
