Toıdyń úlkeni «Qazaq gazetteri» shańyraǵyndaǵy «Kazahstanskaıa pravda», «Aq jelken», «Ulan», «Mysl», «Ana tili» basylymdarynda ótpek. Osydan 100 jyl buryn, ıaǵnı 1925 jyly qazirgi «Aq jelkenniń» alǵashqy sany, sol kezdegi Qazaq avtonomııalyq respýblıkasynyń astanasy Orynborda «Pıoner» degen ataýmen jaryq kórgen bolatyn. Ádebıet alyptarynyń qalamynyń izi qalǵan basylym bir ǵasyr ýaqyt ishinde ult rýhanııatynyń damýyna ólsheýsiz úles qosyp keledi.
Sonyń ishinde aqyn Farıza Ońǵarsynova basqarǵan kezeńiniń orny bólek.
2025 jyly qazaq jurtshylyǵy «Ulan» gazetiniń 95 jyldyǵyn da atap ótedi. Alǵashynda «Jas Alash» gazetiniń qosymshasy retinde jaryq kórgen basylym 1930 jyldyń 5 qarashasynda óz aldyna jeke otaý tigip, balalardyń súıikti gazetine aınaldy. Osylaısha, «Ulan» 95 jyl boıy qazaqtyń bolashaq qalamgerleriniń qalamyn ushtap keledi.
Sondaı-aq 1990 jyldyń 22 naýryzynda qazaq tiliniń quthanasyna aınalǵan «Ana tili» gazetiniń alǵashqy sany oqyrmanǵa jol tartqany belgili. Iаǵnı ult basylymynyń 35 jyldyq mereıtoıy da tabaldyryǵymyzdy attady.
Bıyl Qazaqstannyń orys tildi jýrnalıstıkasynda da ataýly merekeler az emes. Bıyl buqara «Mysl» jýrnaly men «Kazahstanskaıa pravda» gazetteriniń de 105 jyldyǵyn toılaıdy.
«Qazaq gazetteri» atty bir shańyraqtyń astynda birikken joǵarydaǵy tarıhı basylymdardyń bárin ««Egemen Qazaqstan» ujymy mereıtoılarymen shyn júrekten quttyqtaıdy. Sonymen birge 2025 jyly 25 jyldyq mereıtoıyn atap ótip jatqan balalarǵa arnalǵan «Aıgólek» jýrnaly men «Qazaq úni» gazetterine de shyǵarmashylyq tabys tileımiz!
