– Qaýipti júrgizýshini toqtatý maqsatynda jáne basqa jol-kólik oqıǵalaryn boldyrmaý úshin ınspektor Baqytjan Boranbaı kóliktiń jolyn jaýyp tastaıdy. Biraq er adam kóligin júrgizýdi jalǵastyryp, polıseıdi basyp ótip, artynsha ony birneshe metrge súırep, keıin qashyp ketken, – dedi Shymkent qalalyq polısııa departamentiniń baspasóz qyzmeti usynǵan aqparatta.
Kóp uzamaı kúdikti tabylyp, qamaýǵa alyndy. Medısınalyq kýálandyrý qorytyndysyna sáıkes, ol esirtkilik masań kúıde bolǵan.
– Júrgizýshi ýaqytsha ustaý ızolıatoryna qamaldy. Quqyq qorǵaý organy qyzmetkeriniń ómiri men densaýlyǵyna qaýip tóndirgeni úshin ol 12 jylǵa deıin bas bostandyǵynan aıyrylýy múmkin, – delingen polısııa aqparatynda.
