Depýtattar zaýyttyń qazirgi tynys-tirshiligimen tanysyp, jumysshylarmen kezdesti. Áńgime barysynda halyq qalaýlylary Májilistegi zań shyǵarý qyzmeti týraly, sonyń ishinde áleýmettik-ekonomıkalyq baǵytta qabyldanyp jatqan zańdar týraly aqparat berdi. 5 myń sharshy metrdi qamtıtyn kásiporyn tolyqtaı avtomattandyrylǵan júıe negizinde jumys isteıdi. Munda 100 den astam metall túrleri óńdeledi.
«Eldegi óndiris salasyn damytý úshin osy «Kvant» sııaqty zaýyttarǵa basa kóńil bólý kerek. Osyndaı kásiporyndardy kóbirek qoldaýdy usynamyn. О́ıtkeni onyń el ekonomıkasyn arttyrýǵa qosatyn úlesi zor», dedi Anas Baqqojaev.
Al Tańsáýle Serikov «Kvant» zaýytynyń básekege qabilettiligin arttyrýdyń, óndiris oryndarynyń ishki naryqtaǵy belsendiligin kúsheıtýdiń mańyzdylyǵyn atap ótti. Sonymen qatar satyp alý júıesin jetildirý arqyly otandyq zaýyttardyń damý qarqynyn aıtarlyqtaı arttyrýǵa bolatynyna nazar aýdardy.
