Jańa ákimdi tanystyrdy

Qaraýǵa Túrkistan oblysy ákiminiń orynbasary Nuralhan Kósherovtiń jáne Sozaq aýdanynyń ákimi Muhıt Turysbekovtiń kandıdatýralary usy­nyldy. Saılaý komıssııasy ashyq da­ýys berý qorytyndysyn shyǵaryp, 288 daýystyń 224-i Nuralhan Kósherovke berildi. Máslıhattar depýtattary jına­lysynyń qorytyndysyna sáıkes, Prezı­denttiń tıisti Jarlyǵymen Nural­han Oralbaıuly Kósherov Túrkis­tan oblysynyń ákimi bolyp taǵaıyndaldy.

Oblys aktıvimen kezdesýde Premer-mınıstr Oljas Bektenov Darhan Satybaldyǵa óńirdiń damýyna qosqan úlesi úshin alǵys aıtyp, aldaǵy qyzmetine tabys tiledi.

Premer-mınıstr óńir aktıvine jańa ákimdi tanystyra kele, Memleket basshysynyń oblys basshylyǵy aldyna qoıǵan mindetterine toqtaldy. Prezıdenttiń «Ana tili» gazetine bergen suh­batynda aıtylǵan ekonomıkany nyǵaı­tý jáne halyqtyń turmys sapasyn jaq­sartý maqsaty aıasynda, basym baǵyt­tar qatarynda ekonomıkany ár­tarap­tandyrý jáne ónimdi jańa jumys oryndaryn qurý arqyly klasterlik óndiriske kóshý, «Turan» AEA men óńirdiń jalpy ınvestısııalyq tartymdylyǵyn arttyrý, kólik-logıstıkalyq áleýetti ashý jáne agroónerkásip keshenin damýyn arttyrý máseleleri aıtyldy.

Halyqty qoljetimdi ári sapaly aýyzsýmen jáne azyq-túlik ónimderi­niń turaqty baǵasyn qamtamasyz etý, ın­jener­­lik ınfraqurylymdy jań­ǵyrtý bo­ıynsha birqatar mindet qo­ıyl­dy. Obl­ys ortalyǵy Túrkistan­nyń tarı­hı ári rýhanı mańyzdylyǵyn es­ke­re otyryp, mádenı murany saqtaý­ǵa jáne túrki áleminiń baýyrlas ha­lyq­­tary arasyndaǵy baılanysty nyǵaı­týǵa, sondaı-aq týrızm salasyn damy­týǵa erekshe kóńil bólý tapsyryldy.