Is-shara aımaqtardyń erekshelikterin eskere otyryp, ekologııalyq máseleler boıynsha partııanyń saılaýaldy baǵdarlamasyna sáıkes júzege asyryldy.
Sapar barysynda Irına Smırnova «AlES» AQ (JEO-1) kózderinde ornatylǵan shyǵaryndylardy baqylaýdyń avtomattandyrylǵan júıesiniń jumysymen tanysty. Júıe ekologııalyq baqylaýdyń ashyqtyǵyn arttyrýǵa jáne atmosferaǵa zııandy shyǵaryndylardy azaıtýǵa baǵyttalǵan.
«2017 jyldan bastap jylý elektr ortalyǵy gazǵa kóshti. Bul zııandy zattardyń shyǵaryndylaryn ondaǵan esege azaıtty. Qalany jylýmen qamtamasyz etý boıynsha júıeli jumystar uıymdastyrylyp, jolǵa qoıyldy. Degenmen kadr máselesinde problemalar bar. Munda ómirlerin osy mańyzdy iske arnaǵan otbasylyq áýletter bar. Instıtýt, kolledj túlekteri is júzinde óndiriske kele bermeıdi», dedi depýtat.
Májilismen JEO basshylyǵymen SO2 sııaqty az mólsherde shyǵarylatyn gazdardy qala kásiporyndarynda paıdalaný úshin jınaý múmkindigin talqylady. Bul aýany jaqsy tazartýǵa, sondaı-aq energetıkalyq kásiporynnyń ózi paıda tabýyna yqpal etedi.
Sondaı-aq megapolıstiń ekologııalyq jaǵdaıyn jaqsartý úshin kadrlyq qamtamasyz etý, ekologııalyq bastamalardy júzege asyrý jáne ozyq tehnologııalardy engizý múmkindikterine qatysty basqa da máseleler qaraldy. Qazaqstan Halyq partııasy azamattardyń ómir súrý jaǵdaıyn jaqsartýǵa, ekologııalyq qaýipsizdik máselelerine qatysty jumysyn jalǵastyra beredi.
