Mádenıet jáne aqparat mınıstrligi ulttyq teleradıo habarlaryn taratý operatoryn qospaǵanda, spýtnıktik teleradıo habarlaryn taratý operatorlarynyń spýtnıktik qabyldaý qurylǵylaryn iske asyrýǵa jumsalatyn shyǵyndarynyń bir bóligin sýbsıdııalaý baǵdarlamasynyń bastalǵany týraly habarlady.
Baǵdarlamanyń maqsaty – jeke nemese zańdy tulǵalardy otandyq spýtnıktik teleradıo habarlaryn taratý operatorlarynyń spýtnıktik qabyldaý qurylǵylaryn satyp alýǵa yntalandyrý.
Baǵdarlama sheńberinde spýtnıktik teleradıo habarlaryn taratý operatorlary spýtnıktik qabyldaý qurylǵylaryn iske asyrýǵa jumsalatyn shyǵyndardyń bir bóligin óteı alady. Bul azamattardyń jabdyq shyǵyndaryn azaıtýǵa jáne otandyq teleradıo habarlaryn taratýdyń qoljetimdiligin arttyrýǵa múmkindik beredi.
Sýbsıdııalaý merzimi 3 jyldan aspaıdy. Sýbsıdııalar jylyna 50 myńnan aspaıtyn spýtnıktik qabyldaý qurylǵylaryn satýǵa bólinedi.
Prosestiń ashyqtyǵy men aıqyndyǵyn qamtamasyz etý maqsatynda mınıstrlik janynan turaqty jumys isteıtin komıssııa quryldy.
Sýbsıdııalaýdy usyný tártibi Qazaqstan Respýblıkasy Mádenıet jáne aqparat mınıstriniń mindetin atqarýshynyń 2024 jylǵy 21 qarashadaǵy № 551-NQ buıryǵymen bekitilgen.
