Foto: Májilistiń baspasóz qyzmeti
Májilis depýtattary eń áýeli óńirdegi «Agrotur» sharýa qojalyǵy jylyjaıynyń tynys-tirshiligimen tanysty. Munda 4 gektar jerde qııar men qyzanaqtan bastap kóptegen baqsha ónimderi ósiriledi. Olardyń qatarynda záıtún men rozmarın, kıvı men qulpynaı, anar men qurma sııaqty sırek kezdesetin jemister bar. Sondaı-aq bir gektar jerde qııar men qyzanaq kósheti, al eki gektar baqta almurt, shıe men órik egiledi. Sonymen birge qojalyq gollandııalyq gúlderdi ósirip, satylymǵa shyǵarady. Qazir tropıkalyq jemisterdi ósirý jolǵa qoıylǵan.
Depýtattar jylyjaı qyzmetkerlerimen áńgimelesip, aýyl sharýashylyǵy salasyn damytýǵa baǵyttalǵan zańdar týraly baıandady. Kásipkerler tuqymbaq sharýashylyqtaryn sýbsıdııalaý, jylyjaılardy kómirmen qamtamasyz etýde týyndaıtyn problemalarǵa qatysty oılaryn ortaǵa salyp, usynystaryn jetkizdi.
«Biz bul jylyjaı keshenine arnaıy kelip otyrmyz. О́ıtkeni Parlamentte jylyjaı sharýashylyqtaryn memlekettik sýbsıdııalaý týraly másele kótergen edik. Ol oń sheshimin taýyp, jylyjaılarǵa sýbsıdııa berile bastady. Jylyjaı – aýyl sharýashylyǵy salasynyń mańyzdy baǵyttarynyń biri. Sondyqtan aıtylǵan usynystaryńyzdyń bári tıisti mınıstrlikterge jetkizilip, zerdelenetin bolady. Qajet bolsa, zańnamaǵa ózgeris engizý máselesin de qarastyramyz», dedi Qaırat Balabıev.
Odan ári depýtattar Saryaǵash qalasyndaǵy «Báıterek - Shymkent» tamaq ónerkásibi mekemesine bardy. Kásiporyn sapaly kondıterlik taǵamdarmen ishki naryqty qamtamasyz etip qana qoımaı, kórshiles elderge de eksportqa shyǵarady. Depýtattar suranysy joǵary ónim túrlerin kóbeıtý, ishki óndiris áleýetin arttyrý sııaqty birqatar suraq boıynsha pikir almasty.
