foto: ashyq derekkóz
Kólik quralyn basqarýǵa quqyǵy joq, mas kúıinde avtokólik júrgizgen sottalýshy S.-ny polısııa qyzmetkerleri toqtatqan. Ol ákimshilik quqyq buzýshylyq týraly hattama jasaýdan bas tartyp, ózin ákimshilik jaýaptylyqtan bosatýy úshin polısııa qyzmetkerine 10 000 teńge somasynda para berýge tyrysqan.
Polısııa qyzmetkeri qyzmettik boryshyn atqara otyryp, aqshadan bas tartqan. Prınsıpti berik ustanǵan polıseı sybaılas jemqorlyq qylmysy týraly óziniń tikeleı basshylyǵyna jáne О́zindik qaýipsizdik basqarmasyna habarlaǵan.
Sottalýshy S. atalǵan is-árekette óziniń kinásin tolyq moıyndap, aıyptaý men is boıynsha qolda bar dáleldemelerge daý aıtpaǵan.
Sot otyrysynda prokýror sottalýshy S-ti QK-niń 24-baby 3-baby, 367-baby 1-bóligi boıynsha kináli dep tanydy.
Sottalýshynyń qylmystyq jaýapkershiligi men jazasyn jeńildetetin mán-jaılar retinde sot jasaǵan isine shyn júrekten ókingenin jáne onyń kámeletke tolmaǵan balalarynyń bolýyn anyqtady.
Sottalǵan adamnyń qylmystyq jaýaptylyǵy men jazasyn aýyrlatatyn mán-jaılar sotta belgilenbegen.
Sottyń úkimimen sottalýshy S. kináli dep tanylyp, oǵan memlekettik qyzmette laýazymdardy atqarý quqyǵynan ómir boıyna aıyra otyryp, 112 500 teńge, ıaǵnı paranyń on bes eselengen somasy mólsherinde aıyppul túrinde jaza taǵaıyndaldy.
Sot úkimi zańdy kúshine engen joq.
