Mekemtas Myrzahmetuly 1930 jyly 9 mamyrda Túrkistan oblysy Túlkibas aýdanynyń (buryn Jýaly aýdanymen qosylǵan) Maıtóbe aýylynda ómirge kelgen.
Ǵalym Mekemtas Myrzahmetulynyń zertteý eńbekteri aıasyna abaıtaný, muhtartaný, baýyrjantaný, ıasaýıtaný, Abaıdyń aqyndyq zerthanasy, murasynyń rýhanı qaınar kózderi men shyǵyspen baılanysy, t.b. kiredi.
Mekemtas Myrzahmetuly – otbasynyń kenjesi. Ata-anasynyń 12 balasy bolǵan eken. Kóbi ashtyq-joqtyq jyldary ómirden ótse, endi biri soǵystan oralmaǵan. Balalary jastaı shetineı bergendikten, ata-anasy kenjesi «tastaı qatty, bekem bolsyn» degen nıetpen esimin Mekemtas qoıypty.
Ákesi Myrzahmet 1933 jyly dúnıeden ótken. Jıi aıtylyp, jelisi fılmderge de engen bir oqıǵa osy M.Myrzahmetuly taǵdyrynan alynǵan. Asharshylyq jyldary anasy segiz aılyq qyzy men tórt jarym jasar Mekemtasty alyp, tamaq izdep, kórshi aýylǵa qaraı jolǵa shyǵady. Taý men tastyń arasynan ótip, aýylǵa jaqyndaǵan tusta ash qasqyr úıirine tap bolady. Sonda anasy sharasyz qyzyn qasqyrlarǵa qaldyryp, ulyn aman alyp qalady...
Ǵalym uzaq ýaqyt boıy Ǵylym akademııasynda, elimizdiń joǵary oqý oryndarynda qyzmet etti. 30-dan asa monografııa, zertteý jobalaryn jarııalap, ádebıet tarıhyn zertteýshilerdiń birneshe býynyn daıarlady. Abaıdyń akademııalyq, elektrondyq eleýli jınaǵynyń bas redaktory.
