Foto: ashyq derekkóz
Vedomstvo basshysy 2020 jyldan bastap elimizdegi elektrondyq saýda kólemi bes esege ulǵaıǵanyn habarlady.
«Alaıda, bul áli de álemdik ortasha deńgeıden tómen. Dese de, jastar sanynyń kóptigin, fıntehtiń damýyn, ınternettiń qoljetimdiligin jáne qolma-qol aqshasyz esep aıyrysýdyń keń taralýyn eskere kelgende, Qazaqstanda ınternet-saýdany damytýdyń joǵary áleýeti bar», delingen habarlamada.
Aıta keteıik, 2029 jylǵa qaraı elektrondyq saýda kórsetkishin úsh esege ulǵaıtý jáne ony 9,3 trln teńgege deıin jetkizý josparlanyp otyr.
«Bul salany ilgeriletý úshin Úkimet onlaın-kommersııany damytý josparyn qabyldady. Ol elektrondyq saýda máseleleri boıynsha zańnamany jetildirýdi, elimizdiń barlyq óńirinde elektrondyq saýdany oqytý kýrstaryn iske qosýdy, kásipkerler úshin elektrondyq saýdada memlekettik qoldaýdyń qarjylyq sharalaryn engizýdi kózdeıdi», dep habarlady Úkimettiń baspasóz qyzmeti.
