«Ulttyq statıstıka Bıýrosynyń málimetterine súıensek, jan basyna shaqqandaǵy kiris 112 myń teńgeni quraıdy, onyń 98 myń teńgesi tek qana azyq-túlik, kıim-keshek, kommýnaldyq qyzmetti tóleýge ketedi. Mysaly, Ulttyq statıstıka bıýrosynyń derekteri boıynsha, kúrishtiń baǵasy 31,3 paıyzǵa, jumyrtqa 16,9 paıyzǵa, sary maı men sút ónimderiniń baǵasy 12 paıyzǵa ósken», dep jazylǵan depýtattyń saýalynda.
Sondaı-aq kommýnaldyq qyzmetter ortasha alǵanda 25 paıyzǵa qymbattaǵan.
«Bul jaǵdaı azamattardyń shyǵynyn arttyryp, kiristerin tómendetip jibergeni anyq. «Baǵa, qaıda ketip barasyń?» dep jylamsyraıtyn jaǵdaıǵa da jettik! Al elimizdegi eń tómengi tólem eki jyl boldy 85 myń teńgeden kóterilmeı tur. Halyqaralyq týrbýlenttilikke, iri ekonomıkalardyń ózara «saýda soǵystary» men tarıftik shıelenisterine baılanysty bıyl Qazaqstannyń da ekonomıkalyq kórsetkishteri baıaýlap, ásirese ımporttyq taýarlardyń baǵasy odan ári ósý yqtımaldylyǵy zor», dedi depýtat.
Onyń aıtýynsha, osy rette, Úkimet kelesi shuǵyl qadamdar jasaýy qajet:
- Eń tómengi tólemdi ındeksasııa jasaý;
- Jumyssyzdyqtan saqtandyrý somasyn arttyrý arqyly eń tómen jalaqy alatyn adamdardyń saqtandyrý júıesin jetildirý;
- О́ńirlik ákimdikter jergilikti turǵyndarǵa azyq-túlik qaýipsizdigin qamtamasyz etý baǵytyndaǵy sharalardy qolǵa alýy tıis;
- Ákimder óńirlik aýyl sharýashylyq ónimderin jergilikti naryqqa qajetti mólsherde jetkizilýin qamtamasyz etýi qajet;
- Aýyl sharýashylyq ónimderine beriletin memlekettik tólemderdi ýaqytyly ári qajetti somada tolyq tólenýin qamtamasyz etý qajet.
