Foto: Mostafa Alkharouf/Anadolu via Getty Images
AQSh-tyń jańadan saılanǵan prezıdenti Donald Tramp óziniń áleýmettiń jelisinde alǵashqylardyń biri bolyp oıyn bildirdi.
«Kelisim tarmaǵyndaǵy Taıaý Shyǵystaǵy kepildegi adamdardy bosatý týraly másele bizdiń nazarymyzda boldy. Olardy jaqynda bosatady», dep jazylǵan habarlamada.
Al Fransııa prezıdenti Emmanýel Makron aldymen Gazadaǵy 15 aı boıy qıyn kún keshken beıbit turǵyndardyń jaǵdaıyna toqtaldy. Ol halyqaralyq qaýymdastyqty jaǵdaıdy baqylaýǵa ustaýǵa shaqyrdy.
«Kelisimniń saqtalýy qatań qadaǵalanýy kerek. Kepildegi tutqyndar bosatylýǵa tıis. Gaza turǵyndary beıbit ómir súrýge quqyly. Bul kelisim saıası durys sheshim dep oılaımyn», dedi E.Makron.
Birikken Ulttar uıymynyń bas hatshysy Antonıý Gýterrısh te bul pikirdi qostady. Ol óz sózinde kelisim sharttaryna sáıkes eki tarap bekitilgen sharttardy buzbaı áreket etýge tıis dedi. Sondaı-aq ol bul kelisimniń sátti júzege asýyna atsalysqan Egıpet, Qatar, AQSh ókilderine alǵysyn bildirdi.
«Birikken Ulttar Uıymy bul kelisimdi qoldaýǵa daıyn. Eń mańyzdy jaıt - aımaqqa gýmanıtarlyq kómektiń kedergisiz kirýin qamtamasyz etý. Osy oraıda eki tarapty da bul máselege beı-jaı qaramaýǵa shaqyramyn», dedi A.Gýterrısh.
Al Djo Baıden bul kelisimniń arqasynda tutqyndaǵy adamdar bosap, óz otbasymen qaýysha alatynyn atap ótti. Saıasatker óz sózinde eki tarapty kelisimge keltirýge úlken dıplomatııalyq kúsh-jiger jumsalǵanyn aıtty.
«Birer kúnnen soń kelisim resmı túrde kúshine enedi. Qaqtyǵysty kezeń-kezeńimen toqtatý arqyly Taıaý Shyǵystaǵy jaǵdaı birtindep retteletinine senemin», dedi D.Baıden.
