Foto: Erlan Omar
Eńbek jáne halyqty áleýmettik qorǵaý mınıstrliginiń málimetinshe, eki kózden tólenetin arnaýly áleýmettik tólemge (respýblıkalyq bıýdjet jáne Biryńǵaı jınaqtaýshy zeınetaqy qory) 3 205 adam júginip, onyń ishinde 3 093 adamǵa taǵaıyndalǵan.
Al, tórt qarjylandyrý kózinen beriletin AÁT (respýblıkalyq bıýdjet, Biryńǵaı jınaqtaýshy zeınetaqy qory, jumys berýshi jáne ómirdi saqtandyrý uıymy) taǵaıyndaýǵa 11 117 adam ótinish bildirip, onyń 10 475-ine taǵaıyndalǵan.
«Sondaı-aq, 230 azamat saqtandyrý kompanııasymen zeınetkerlik annýıtet shartynyń jasalýyn kútip jatyr. 34 azamat SMS habarlamaǵa jaýap bermegen. Mindetti sharttardy oryndamaǵandyqtan, 490 ótinish berýshige AÁT taǵaıyndaýdan bas tartyldy. О́ńirler boıynsha arnaýly áleýmettik tólemderdi alýǵa ótinish bildirgenderdiń eń kóp sany Qaraǵandy (2 kózden – 547 adam, 4 kózden – 1 878 adam), Qostanaı (2 kózden – 343 adam, al 4 kózden – 1 146 adam) jáne Shyǵys Qazaqstan (2 kózden – 288 adam, al 4 kózden – 1 162 adam) oblystarynda tirkelgen», delingen habarlamada.
Esterińizge sala keteıik, 2024 jyldyń 1 qańtarynan bastap Qazaqstanda zııandy eńbek jaǵdaılarynda uzaq ýaqyt jumys istegen adamdarǵa arnaýly áleýmettik tólem engizilgen edi.
