Muny kórip Aıano qatty qynjylady. Sodan bastap, japondyq áıel adam boılas qýyrshaqtardy jasaı bastaıdy. Keıbiri buryn sol jerde turǵan kisilerge uqsas boldy, keı beıneler sýretshiniń qııalynan týdy. Osylaısha, Aıano bala kezindegi kórinisti, aýyldaǵy qaınap jatqan tirshilikti qaıta jańǵyrtqysy keldi. Bir qyzyǵy, qazir Nagorodan 400-den astam qýyrshaqty kórýge bolady. Bul jer kóńilge qorqynysh uıalatatyndyǵyna qaramastan, týrıster baratyn kórneki orynǵa aınalyp, beıresmı túrde «Qýyrshaqtar aýyly» degen ataýǵa ıe boldy.
Araldaǵy jalǵyz úı
1950-jyldary qalanyń ý-shýynan jalyǵyp, jyraqta demalýdy qalaǵan Saızeland áýleti kip-kishkentaı «Just Room Enogh Island» aralyn satyp alǵan. Qazaqshalasaq, «Bir bólmege ǵana jetedi».
Kúıbeń tirshilikten qashyp kelgen áýlet atalǵan aralǵa qonys aýdarǵannan keıin tipten jurttyń nazaryna ilikti. AQSh-tyń «The Washington Post» basylymy: «Bir qate qadam jasasańyz, júzip ketesiz» degen maqala da jarııalady. Sodan soń týrısterdiń osy bir mekenge erekshe yntyzary aýdy. Osylaısha, «aralda alańsyz jatyp, tynyshtyqty tyńdaımyz», degen Saızelandter áýletiniń úmiti aqtalmady...
Qonaqjaı Notr-Dam
Jóndeýden keıin qaıta ashylǵan Notr-Dam de Parı shirkeýine bir aıda 800 myńnan asa adam barǵan. Bul mınýt saıyn ǵımaratqa 32 adamnan kelip otyrdy degen sóz.
Álemdik mádenı muranyń aıryqsha nysany sanalatyn áıgili ǵımaratqa kelýshiler sany óte kóp. Kezek keıde 3 saǵatqa sozylady. 2019 jyldyń kókteminde shirkeýde alapat órt shyqqan edi. Bes jylǵa jalǵasqan qalpyna keltirý jumystarynan keıin Parıjdiń kórnekti orny jeltoqsannyń basynda qaıta ashyldy. О́rtke deıin jyl saıyn munda 14 mıllıon adam keletin.
