Munda qazir 2 kóppáterli turǵyn úıdi qalpyna keltirý jumystary júrgizilip jatyr. Jóndeý jumystaryn «Kentavr-Qurylys» JShS atqarýda, aıaqtalý merzimi sáýir aıyna josparlanǵan. Josparda, kezekte taǵy 5 úı bar. Baspana kezeginde turǵandar sany – 236 adam. Olardyń arasynda memlekettik qyzmetkerler, kópbalaly otbasylar men jetim balalar bar.
Abaı oblysynyń ákimi Nurlan Uranhaev Kýrchatov qalasyna jasaǵan jumys sapary barysynda birneshe áleýmettik mańyzy bar nysandy aralap, qurylys, qalpyna keltirý jumystaryn tekserdi. Aımaq basshysynyń aldymen balalar men jasóspirimder shyǵarmashylyǵy úıiniń ǵımaratyn aralady. Qala ákimi Bolat Ábdiralıev jobanyń atqarylýy men aıaqtalýy týraly baıandady. Jańa ǵımarat buǵan deıin qaraýsyz turǵan edi. Búginde balalar men jasóspirimderdiń shyǵarmashylyq úıinde robottehnıka, tiginshilik, bı, qysh óneri, oıyn tehnıkasy syndy úıirmelerden bólek, akt zaly bar. Qajetti qural-jabdyq alynǵan. Kóktemde ǵımarat aýlasyn abattandyrý jumysy bastalady. Aımaq basshysy jastar bas qosatyn taǵy bir ǵımaratty kúrdeli jóndeýden ótkizý kerektigin aıtty. Qala ákiminiń ótinishine oraı, oblystyq bilim basqarmasynyń basshysy Nurjan Ahmetqalıevke shahardaǵy mektep aýlasyna sport alańyn salý jóninde tapsyrma berdi. О́ńir basshysy sondaı-aq dene shynyqtyrý-saýyqtyrý kesheniniń qurylysy alańyna da bardy. Jańa sport kesheni zamanaýı standarttarǵa saı, barlyq jastaǵy adamdarǵa, sonyń ishinde múgedektigi bar azamattarǵa da qoljetimdi bolady.
Qalany jylýmen qamtý máseleleri de nazardan tys qalǵan joq. №1 qazandyq 30 kópqabatty turǵyn úıdi jylýmen qamtamasyz etedi. О́tken jyly qazandyqtaǵy 4 peshke aǵymdaǵy jóndeý júrgizilip, 2 eski pesh aýystyryldy, qosymsha 2 pesh ornatyldy. Jalpy Kýrchatov qalasynda 4 qazandyq bar. Olar 79 turǵyn úıge, 20 memlekettik mekemege, 24 zańdy tulǵaǵa qyzmet kórsetedi.
Aımaq basshysy qalpyna keltiriletin úılerdiń sapasyna erekshe mán berip, zamanaýı úlgide bolýyna kóńil aýdarý kerektigin aıtty. «Bul nysandardyń árqaısysy Kýrchatov qalasynyń damýynda mańyzdy ról atqarady. Turǵyndardyń sportpen shuǵyldanyp, shyǵarmashylyqpen aınalysýyna barynsha jaǵdaı jasaýǵa tıispiz. Ol úshin jumysty belgilengen merzimde aıaqtaýymyz kerek», dedi oblys ákimi.
Abaı oblysy,
Kýrchatov qalasy
