Foto: es.kz
Tótenshe jaǵdaılar mınıstrliginiń málimetinshe, osy kezeń aralyǵynda jolda qalǵan 1 468 adam, onyń ishinde 149 bala qutqarylǵan. 208 tehnıka qar qursaýynan shyǵarylǵan.
Atalǵan mınıstrlik qys mezgilinde júrgizýshilerdi «112» habarlamalaryna qulaq asýǵa shaqyrady.
Eger kólikpen borandy kúni jolda qalyp qoısa mynadaı áreketterdi jasaý kerek:
1. Tumanǵa qarsy shamdardy, dabyldy qosyńyz;
2. Kedergiler paıda bolǵan jaǵdaıda eń qaýipsiz toqtaý úshin jyldamdyqty birtindep tómendetý kerek. Alda kele jatqan kólikpen araqashyqtyqty saqtańyz jáne basyp ozý manevrlerin jasamańyz;
3. Burqasyn, boran kezinde, aldaǵy jol kórinbese, múmkindiginshe, eń jaqyn qaýipsiz jerge (janarmaı quıý beketi, dámhana, shına montaj pýnkti, kempıng) jetken durys. Qaýipsiz oryndy tapqanda jol jıegine toqtamańyz;
4. Kólik ózdiginen qozǵalmasa, kómeksiz shyǵa almaıtynyńyzdy túsinseńiz, dereý «112» nemese «102» jedel telefondaryna qońyraý shalyńyz.
