Bul joba Almaty aglomerasııasyndaǵy kólik aǵynyn jeńildetý jáne jol qozǵalysy qaýipsizdigin arttyrý maqsatynda júzege asyrylyp otyr. Ásirese, bul baǵyttaǵy turǵyndar sanynyń kóbeıýine baılanysty kólik qozǵalysynyń júktemesi aıtarlyqtaı artqan.
Eske sala keteıik, buǵan deıin Almaty ákimdigi 2025 jyly qalada shamamen 300 km jolǵa jáne 30 km jaıaý júrginshiler jolyna jóndeý jumystarymen 35 km jańa jol salý josparlanǵany týraly aıtqan bolatyn.
Almaty qalalyq mobıldilik basqarmasynyń málimetinshe, 2025 jyly qalada shamamen 300 km jolǵa jáne 30 km jaıaý júrginshiler jolyna jóndeý jumystarymen 35 km jańa jol salý josparlanǵan.
Jańa joldar Jas Qanat, Shuǵyla, Álmerek, Aqjar, Rahat, Mádenıet jáne Boraldaı shaǵyn aýdandarynda salynady. Bul Almatyǵa qosylǵan aýmaqtarda turatyn 70 myńnan astam turǵynnyń kólik qatynasyn jaqsartady.
Almaty ákimdiginiń málimetinshe, 2025 jyly Almatyda birneshe mańyzdy jobanyń qurylysy aıaqtalady:
Seıfýllın dańǵyly men Jansúgirov kóshesiniń qıylysyndaǵy jolaıyryq;
Saın kóshesin Rysqulov dańǵylynan Aqyn Sara kóshesine deıin uzartý;
Abaı dańǵylyn qalanyń shekarasyna deıin uzartý;
Abaı dańǵylyn B.Momyshuly kóshesinen qalanyń shekarasyna deıin uzartý jumystary mamyr aıynda aıaqtalady. Uzyndyǵy 5,3 km bolatyn bul alty jolaqty jolda jaıaý júrginshiler men velosıped joldary qarastyrylǵan.
Jaz mezgilinde Saın kóshesiniń Rysqulov dańǵylynan Aqyn Sara kóshesine deıingi bóligin uzartý jumystary aıaqtalady. Uzyndyǵy 3,2 km bolatyn bul Momyshuly kóshesindegi kólik júktemesin 40%-ǵa azaıtýǵa múmkindik beredi.
Maýsym aıynda Jansúgirov kóshesi men Seıfýllın dańǵylynyń qıylysyndaǵy jolaıyryqtyń qurylysy tolyǵymen aıaqtalady. Sonymen qatar, jolaıyryq mańyndaǵy aýmaqty abattandyrý jumystary da júrgiziledi.
