Foto: inbusiness.kz
Qazaqstan halyqaralyq áýe qatynasyn 31 elmen (Reseı, Qyrǵyzstan, О́zbekstan, Tájikstan, Grýzııa, Belarýs, Ázirbaıjan, BAÁ, Saýd Arabııasy, Katar, Iran, Oman, Egıpet, Kýveıt, Ońtústik Koreıa, Qytaı, Úndistan, Vetnam, Taıland, Mońǵolııa, Kambodja, Malaızııa, Maldıv araldary, Shrı-Lanka, Túrkııa, Ulybrıtanııa, Germanııa, Italııa, Nıderlandy, Polsha, Chehııa) aptasyna 582 reıs jıiligimen 117 baǵyt boıynsha ornatqan.
El áýejaılarynda erekshe qajettilikteri bar azamattar úshin barlyq jaǵdaı jasalǵan. Mamandar alǵashqy medısınalyq kómek kórsetý, onyń ishinde erekshe qajettilikteri bar azamattardy súıemeldeý boıynsha turaqty arnaıy oqýdan ótedi. Ambýlatorlyq kótergishter, múgedekter arbalary, kórý múmkindigi shekteýli azamattarǵa arnalǵan taktıldi plıtkalar men dybystyq navıgasııa júıeleri de bar.
Elimizdiń halyqaralyq áýejaılarynda ana men balaǵa arnalǵan bólmeler, valıýta aıyrbastaý pýnktteri, poshta baılanysy, symsyz ınternet jasaqtalǵan. Sondaı-aq onlaın tirkeý prosesin jyldamdatý úshin birqatar áýe kompanııalary mobıldi qosymshalardy engizgen.
Qazaqstanda avıasııa salasyn damytýdy halyqaralyq taný ushý qaýipsizdigine baılanysty.
Kólik mınıstrliginiń málimetinshe, elimizdegi ushý qaýipsizdiginiń halyqaralyq standarttarǵa sáıkestik deńgeıi 82% quraıdy. Bul TMD elderi arasyndaǵy eń joǵary kórsetkish ári Danııa men Polsha sııaqty Eýropa Odaǵy elderiniń deńgeıimen salystyrýǵa turarlyq.
