Byltyr agenttik 2024 jylǵy 1 qańtardaǵy jaǵdaı boıynsha bank júıesi aktıvteriniń 85%-yn quraǵan 11 iri banktiń arasynda turaqty AQR ótkizdi. Baǵalaý kólemi 27,4 trln teńgege jetti, bul ótken jylmen salystyrǵanda 31,3%-ǵa artyq. Bereshektiń negizgi bóligi kepilsiz tutynýshylyq qaryzdarǵa (9 trln teńge), iri bızneske (4,4 trln teńge), shaǵyn bızneske (3,4 trln teńge) jáne ınvestısııalyq jobalar (3,1 trln teńge) qaryz portfelderine tıesili. Jeke negizde 1 583 iri qaryz alýshy, sondaı-aq 856 qosalqy qaryz alýshy men kepilgerler baǵalanyp, jalpy qaryzy 9,6 trln teńgeni qurady. Jalpy somasy 17,8 trln teńge 29,9 mln qaryz ujymdyq negizde taldandy.
«Turaqty AQR nátıjeleri sektordyń júıelik deńgeıdegi turaqtylyǵyn rastady. 11 bank boıynsha kapıtaldyń jetkiliktilik deńgeıi 16,3%-dy qurady, bul belgilengen normatıvtik eń tómengi 5,5%-dyq deńgeıden edáýir joǵary. Bankter men AQR arasyndaǵy rezervterdi baǵalaýdaǵy aıyrmashylyq 415,1 mlrd teńgeni qurady. 2-satydaǵy bereshekter 492,7 mlrd teńgege, 1,5%-dan 3,3%-ǵa deıin ulǵaıdy, al 3-satydaǵy bereshekter 327,8 mlrd teńgege, 8,6%-dan 9,8%-ǵa deıin ulǵaıdy», dep málimdedi agenttik.
«Osylaısha, 2023 jylǵy turaqty AQR-men salystyrǵanda baǵalaý nátıjeleri jaqsarǵan. Bankterdiń nesıe portfeliniń ósýine qaramastan, rezervter boıynsha túzetýler 36,1 mlrd teńgege azaıdy. Tutastaı alǵanda, portfeldiń jalpy ósimimen, jekelegen portfelder boıynsha qaryz alýshylardyń qarjylyq jaǵdaıynyń jaqsarýymen, sondaı-aq problemalyq qaryz alýshylar boıynsha provızııalardy esepten shyǵarý, óteý jáne qalyptastyrý jónindegi bankterdiń jumysyna baılanysty kredıttik portfeldiń sapasynyń artýy baıqaldy», delingen málimdemede.
