Foto: Ashyq derekkóz
«Ushaq apatynda qaza tapqan azamattardyń otbasyna áleýmettik kómek kórsetildi. Jospar boıynsha 5 mln-nan tólenýi tıis bolǵan. Jerleý rásimi men máıitti tasymaldaý jumysy ákimderge júkteldi. Aldaǵy aptada demeýshilerdiń esebinen taǵy da kómek kórsetiledi», dedi Qanat Bozymbaev.
Onyń aıtýynsha, qazir zertteý jumysy qarqyndy júrip jatyr.
«IKAO-nyń talabyna sáıkes, bir aıdyń ishinde tergeýdiń aldyn ala qorytyndysy jarııalanýy kerek. Kelesi aptada Kólik mınıstrligi tıisti aqparatty jarııalaıdy», dedi Premer-Mınıstrdiń orynbasary.
Esterińizge sala keteıik, 25 jeltoqsan kúni Aqtaý mańynda Bakýden Groznyıǵa baǵyt alǵan Ázerbaıjan áýe kompanııasyna tıesili ushaq apatqa ushyraǵan bolatyn. Ushaq bortynda 62 jolaýshy men 5 ekıpaj múshesi bolǵan.
