Sýretti túsirgen – Erlan OMAR, «EQ»
Kópbalaly otbasyǵa beriletin memlekettik járdemaqyǵa 4 jáne odan da kóp kámeletke tolmaǵan balasymen birge turatyn otbasylar úmitker bola alady. Úıdegi balalarymen qosa, 23 jasqa deıingi kúndizgi bólimde oqıtyn stýdent balasy bar otbasylar da járdemaqydan qur qalmaıdy. Kópbalaly otbasylarǵa járdemaqy tabysyna qaramastan tıesili. Tólem mólsheri bala sanyna qaraı eseptelip, naqtylanady. Mysaly, kópbalaly otbasylar bala sanyna qaraı aı saıyn tómendegideı járdemaqy alyp otyrady:
- 4 balasy bar otbasylarǵa – 16,03 AEK nemese 63 030 teńge;
- 5 balaǵa – 20,04 AEK nemese 78 798 teńge;
- 6 balaǵa – 24,05 AEK nemese 94 565 teńge;
- 7 balaǵa – 28,06 AEK nemese 110 332 teńge;
- 8 jáne odan da kóp balasy bar otbasylarǵa – ár balaǵa 4 AEK nemese 15 728 teńge mólsherinde tólenedi.
Bıyl qańtardan balaly otbasylarǵa taǵaıyndalatyn memlekettik járdemaqylardyń mólsheri 6,5%-ǵa artqan. Bul rette kópbalaly otbasylarǵa tólenetin járdemaqy mólsheri de ulǵaıdy. Degenmen ár balaǵa tólenetin aılyq eseptik kórsetkish kólemi ózgerissiz qaldy. Iаǵnı járdemaqy kóleminiń bıylǵy AEK mólsherine qaraı kóbeıgeni zańdy ózgeris.
Nagradtalǵan anaǵa beriletin járdemaqy «Altyn alqa», «Kúmis alqa» ıegerlerine nemese buryn «Batyr ana» ataǵyn alǵan, I, II dárejeli «Ana dańqy» ordenderimen nagradtalǵan analarǵa taǵaıyndalady. Sáıkesinshe, bıyl nagradtalǵan anaǵa beriletin járdemaqy mólsheri de kóbeıgen. «Kúmis alqa» alqaly analarǵa 6,40 AEK – 25 165 teńge tólenedi. «Altyn alqa» alqasymen nagradtalǵan nemese buryn «Batyr ana» ataǵyn alǵan, I, II dárejeli «Ana dańqy» ordenderimen nagradtalǵan analarǵa 7,40 AEK – 29 097 teńgeden aı saıyn aýdarylyp otyrady.
