Qordyń baspasóz qyzmetiniń habarlaýynsha, Muhamedqalı Taýannyń halyqaralyq yntymaqtastyq jáne korporatıvtik basqarý salasyndaǵy aýqymdy bastamalardy júzege asyrýda aıtarlyqtaı tájirıbesi bar. Ol buǵan deıin «Astana» halyqaralyq qarjy ortalyǵynda, Ulttyq banktiń Ulttyq ınvestısııalyq korporasııasynda jáne jeke qurylymdarda basshylyq qyzmetter atqarǵan.
Rysqulov atyndaǵy Qazaq ekonomıkalyq ýnıversıtetinde ekonomıka bakalavry jáne Qazaqstan-Brıtan tehnıkalyq ýnıversıtetinde MVA dárejesi bar.
Qazirgi ýaqytta «Dara» prezıdenttik bastamalar qory adamı kapıtal men kreatıvti ındýstrııany damytý, sondaı-aq Qazaqstannyń mádenı-tarıhı murasyn saqtaý boıynsha birneshe mańyzdy jobalardy júzege asyryp keledi. Olardyń qatarynda Joshy hannyń ómirine arnalǵan aýqymdy tarıhı serıal túsirý bar, onyń maqsaty – ulttyq tarıhty nasıhattaý jáne mádenı biregeılikti nyǵaıtý.
