«Qazaq» kınosy tanystyryldy

Fılm 2024 jyly Germanııanyń Mıýnhen, Nıýrn­berg, Dıýsseldorf qala­la­rynda, Aýstrııanyń Zals­býrg, Túrkııanyń Ystan­bul, Salıhly jáne Qa­zaqstannyń Almaty, As­tana, Aqtaý qalalarynda túsi­rilgen. Basty róldi Mıýn­hendegi «Qazaq qoǵamynyń» damýyna zor úles qosqan, Eýropadaǵy qa­zaq qaýymdastyǵynyń negizin qalaýshy Súleımen Shadqam somdaıdy.

Premeraǵa fılm rejısseri Qarlyǵa Ha­sen, prodıýseri Tanakóz Tol­qynqyzy, basty keıipkeri Súleı­men Shadqam jáne Aq­taý qalasynyń tur­ǵyndary qatysty. De­rekti fılm demeý­shiler qarajatyna túsirilgen.

«Bıyl, ıaǵnı 2025 jyl, Aqtaý qalasy Túrki ále­miniń mádenı astanasy mártebesine ıe boldy. Osy mańyzdy oqıǵa aıa­synda «Qazaq» jańa de­rek­ti fılminiń tu­saýy ke­sildi. Qarakóz qandas­tardyń taǵdyrynan syr shertetin fılmniń ja­ryqqa shyǵýyna úles qos­qan barsha azamatqa jáne avtorlarǵa alǵysym­dy aıtamyn», dedi Aqtaý qala­synyń ákimi Ábil­qaıyr Baıpaqov.

Fılm nemis, aǵyl­shyn, fransýz tilderine aýdarylǵan. Alǵashqy tu­saý­keser rá­simi 2024 jyldyń 6-8 qarasha aıynda Syrtqy ister mınıstr­liginiń qol­daýymen Ger­ma­nııanyń Mıýnhen qa­lasynda jáne Fransııa asta­nasy Pa­rıjde ótti.

Jańa týyndynyń Eýro­padaǵy tusaýkeser rásimine Qazaqstannyń Mıýnhen qalasyndaǵy bas konsýly Denıs Rogov, Qazaqstannyń Fran­sııa­daǵy elshisiniń keńes­shisi Nur­jan Rahmet, halyq ártisi Aıgúl Úl­ken­­baeva jáne fılmdi tú­si­rýshiler men keıip­kerler qatysty.

Mańǵystaý oblysy