Foto: ashyq derekkóz
Qasym-Jomart Toqaev elimizde iri ónerkásip jobalaryn iske qosý úrdisi baıaý ekenin atap ótti. Memleket basshysy bul baǵyttaǵy jumysty aktıvterdi qazynaǵa qaıtarýmen qatar júrgizýge tapsyrma berdi.
«Qazaqstanda orta býynǵa jatatyn kóshbasshy kompanııalar shoǵyryn qalyptastyrý mindeti áli de ózekti. Úkimet bıylǵy maýsym aıynyń sońyna deıin keleshegi zor árbir orta kásiporynnyń jumys josparyn ázirleýge tıis. Elimizdiń sırek kezdesetin metall kenishin, sonyń ishinde álemde suranys artyp kele jatqan lıtııdi óndirý men óńdeý áleýeti óte úlken. Demek biz osy salaǵa ınvestısııa men ozyq tehnologııalardy tartýymyz qajet. Bul rette sheteldik ınvestorlarǵa da, otandyq bıznesmenderge de basymdyq bergen jón», dedi Prezıdent.
Sondaı-aq Prezıdent Parlamentke sessııa sońyna deıin jer qoınaýyn paıdalaný quqyǵynyń zańnamalyq negizin qamtamasyz etý kerek ekenin aıtty.
«Jer qoınaýyn paıdalaný salasyndaǵy reforma esh kedergige qaramastan jalǵasýǵa tıis. Bul – prınsıpti ustanym. Úkimet muny qatań túrde saqtaýy qajet», dedi Qasym-Jomart Toqaev.
