«Tranzıt – júk tasymalyna qatysty halyqaralyq básekedegi bizdiń orasan zor artyqshylyǵymyz. Muny tolyqtaı ári tıimdi paıdalanýymyz kerek. Qazaqstan arqyly ótetin temir jol dálizin damytý jumysyn tezdetý qajet. Bul joba Transkaspıı baǵdarynyń negizgi bóligi bolmaq. Osy baǵyttaǵy mańyzdy jobalardyń birazy qazir júzege asyrylyp jatyr. Aldyn ala qamdanyp, jumysty toqtatpaı, jalǵastyra berý kerek», dedi Prezıdent.
Sonymen qatar Memleket basshysy «Moıynty – Qyzyljar» baǵytynda jańa temir jol qurylysyn bastaýdy tapsyrdy.
«Qyzyljar beketinen Aqtaý portyna deıingi kúre joldyń qozǵalysy asa kóp ýchaskelerin jańǵyrtý kerek. Altynkól – Jetigen» temir jolyn da keńeıtý qajet. Bul Qytaı men Ortalyq Azııa arasyndaǵy kólik dáliziniń áleýetin edáýir arttyrady. Budan bólek, temir jol tasymalyn sıfrlandyrý jobalaryn ýaqtyly aıaqtaý mańyzdy. Mýltımodaldy kólik toraptaryn damytýǵa basa mán bergen jón. Sol arqyly tasymaldyń barlyq túrin ózara kiriktirýge múmkindik týady. Bıyl jáne kelesi jyly osy baǵytta aýqymdy jumystar atqarylýǵa tıis», dedi el Prezıdenti.
