Foto: Ashyq derekkóz
Almaty qalasynyń polısııa departamentiniń habarlaýynsha, alaıaqtar jábirlenýshiniń úı telefonyna qońyraý shalyp, jaqyn adamynyń apatqa ushyraǵanyn aıtady. Ásirese, mundaı habardy estigen zeınetkerler jaqyndaryn qutqarý úshin sońǵy aqshalary men baǵaly zattaryn berýge daıyn turady.
«Ádette, alaıaqtyqtyń bul túrine birneshe adam qatysady: olardyń biri ózin jábirlenýshiniń uly, qyzy nemese nemeresimin dep tanystyryp, jazataıym oqıǵaǵa ózi kináli bolǵanyn aıtady, sodan keıin aqshalaı kómek suraıdy. Osy ýaqytta kelissózderge taǵy bir alaıaq qosylyp, ózin quqyq qorǵaý organynyń qyzmetkeri retinde tanystyryp, «jaǵdaıdy sheshý úshin» aqsha talap etedi. Psıhologııalyq shabýyl jasalyp, jábirlenýshiler aqsha aýdarýǵa kelisim bergen kezde, alaıaqtar jetkizý qyzmeti arqyly taýyp alǵan kýrerlerdi aqshany alyp kelýge jiberedi», dedi Almaty qalalyq PD Kıberqylmysqa qarsy kúres Basqarmasynyń bastyǵy Anes Qaldybaev.
Qalalyq polısııa turǵyndardy qyraǵy bolýǵa jáne mańyzdy erejelerdi saqtaýǵa shaqyrady.
«Atap aıtsaq, jeke málimetterińizdi nemese plastıkalyq karta derekterińizdi eshkimge jarııa etpeńiz. Sondaı-aq, aýdarym túbirtekteri men kodtyq habarlamarlady tipti bank nemese quqyq qorǵaý organynyń qyzmetkerimin deıtin adamdarǵa da aıtpańyz», delingen habarlamada.
