«Saryarqa» kemesine – 10 jyl

Áskerılerdiń aıtýynsha, Oral qala­syndaǵy «Zenıt» zaýytynda jasalǵan «Saryarqa» zymyran-artıllerııalyq ke­mesiniń zamanaýı qarý-ja­raq jáne navıgasııa júıe­simen jaraqtandyrylýy Ás­kerı-teńiz kúshteri flag­mandarynyń birine Kaspıı teńiziniń qazaqstandyq sek­torynyń akvatorııasyn qor­ǵaý jónindegi mindetterdi oıdaǵydaı sheshýge múmkindik beredi.

– «Saryarqa» kemesiniń tehnologııalyq múmkindikteri jáne jeke quramdy daıar­laý­dyń joǵary deńgeıi abyroıly qyzmettiń mańyzdy quramdas bóligi bolyp tabylady. Keme ekıpajy el aýmaǵynda da, odan tys jerlerde de ótkizilgen oqý-jattyǵýlarǵa qatysyp, ha­lyqaralyq Armııa oıyn­darynyń birneshe dúrkin júldegeri boldy, deıdi «Sa­ry­arqa» zymyran-artıl­le­rııalyq kemesiniń komandıri 3-dárejeli kapıtan Damır Mataev.

Keme bortynda Áskerı-teńiz kúshteriniń damýyna eleýli úles qosqan júzdegen áskerı qyzmetshi daıar­lyqtan ótti. Sondaı-aq «Sa­ry­arqa» zymyran-artıl­lerııalyq

kemesin jasaý eldiń qorǵanys qabiletin nyǵaıtý jónindegi aýqymdy baǵdarlamanyń bir bóligine aınalǵan. Kásip­qoılyqtyń joǵary deńgeıi jáne áskerı teńizshilerdiń janqııarlyq qyzmeti áskerı komandaǵa dıvızıon quramyndaǵy eń jaqsy ártekti kemelerdiń biri mártebesin berdi.

Qaýipsiz qorǵanysqa qýat­ty qural-jabdyq kerek desek, áskerı teńizshilerdiń oń baǵasyna ıe bolǵan «Saryarqa» zymyran-artıllerııalyq ke­mesi teńiz betinde óziniń ekinshi onjyldyǵynyń izin salyp bas­tady.

Mańǵystaý oblysy