Foto: NDTV
Anyqtala kele bul onyń ekinshi qylmysy bolyp tirkelgen. Birinshi ret Akııo 60 jasynda dúkennen tamaq urlaǵan. Jalǵyz zeınetaqyǵy ómir súrý qıyndap ketkennen keıin, keıýana qylmysyn qaıtalaǵan eken.
«Turmys taýqymetin tartpaı, óz qolym óz aýzyma jetkende mundaı iske múlde barmas edim», deıdi zeınetkerdiń ózi.
Buǵan deıin ol 43 jastaǵy ulymen turyp kelgen. Keıin balasy anasyn úıden qýyp jibergen kórinedi.
Aıta keteıik, Japonııada egde jastaǵy áıelderdiń qylmysqa barýy sońǵy jyldary ózekti máselege aınaldy. Mysaly, 2022 jyly eldegi túrmelerde otyrǵan egde jastaǵy áıelderdiń 80%-dan astamy urlyq jasaǵany úshin sottalǵan. Eldiń Ulttyq polısııa agenttiginiń málimetinshe, 65 jastan asqan adamdardyń qylmys jasaý kórsetkishi aıtarlyqtaı artqan. Olardyń kóbisi urlyq sııaqty usaq quqyq buzýshylyqtarǵa barady.
