Halyqaralyq mártebege saı qyzmet

Keshe Prezıdent janyndaǵy Ortalyq kommmýnıkasııalar qyzmetinde «Ulttyq ǵylymı kardıohırýrgııa ortalyǵy» AQ basqarma tóraǵasy Iýrıı Pıanyń qatysýymen brıfıng ótti. «О́tken jyldyń qarashasynda bizdiń ortalyq Birikken halyqaralyq komıssııanyń (Joint Commission International) medısınalyq uıymdar úshin «altyn standart» bolyp esepteletin resmı tujyrymdamasyn aldy. Bul klınıkanyń qaýipsizdik jáne medısınalyq kómek sapasy boıynsha eń úzdik halyqaralyq standarttarǵa saı keletinin bildiredi. Aýdıt JCI standarttarynyń sońǵy ret jańartylýy boıynsha ótkizildi» – dedi Iý.Pıa. Inspektorlar qyzmetkerlerdiń medısınalyq kómektiń sapasyn qamtamasyz etýine, kásibı deńgeıine, klınıkadaǵy etıkalyq standarttarǵa, qaýip­sizdik tehnıkasyna sharýashylyq basqarýǵa erekshe mán bergen. Sonymen bul ortalyq elimizdegi  halyqaralyq deńgeıdegi klınıka mártebesin alǵan birinshi medısınalyq mekeme bolyp otyr. Brıfıng barysynda ortalyqtyń basqarma tóraǵasyna jýrnalıster tarapynan birqatar suraqtar qoıyldy. Onyń ishinde transplantasııa máselesine erekshe nazar aýdaryldy. Iýrıı Pıanyń aıtýynsha, qazirgi kezde ortalyqta júrek transplantasııasyna 100 adam kezekte tur. Áıtse de bul operasııaǵa da balama bar. Ol – jasandy júrek ımplantasııasy. «Jalpy alǵanda, elimizde jylyna 150-200 adam júrek transplantasııasy operasııasyn qajet etedi. Al, júrek ımplantasııasy boıynsha ótkiziletin operasııalar óte qymbat turady. Ortasha alǵanda bir operasııaǵa 20 myń dollar jumsalady.  Bul shyǵyndardy memleket óteıdi» – dedi ol. Iý.Pıa transplantasııanyń ózegi – donor tapshylyǵy máselesin de aınalyp ótpedi. Onyń oıynsha, bul tek medısınalyq emes, áleýmettik másele. «Bizdiń tarapymyzdan jasalyp jatqan jumysqa toqtalsaq, transplantasııa jasaı alatyn mamandardy daıarlap jatyrmyz, mundaı operasııalar jasalyp ta jatyr. Biraq, bizde donor tapshylyǵy máselesi ózekti, qoǵam buǵan áli de daıyn emes. Balalar transplantologııasynda donor tabý tipten qıyn. Bizde ǵana emes, bul álem boıynsha úlken problema. Degenmen, aldaǵy jyldary ortasha halyqaralyq standarttarǵa qol jetkizemiz degen oıdamyn», – deıdi ol. Ulttyq ǵylymı kardıohırýrgııa  ortalyǵy qazirge deıin transplantasııa boıynsha 11 operasııa jasapty. Sonymen qatar, emdelýshilerdiń júreginiń oń jaq qarynshasyn  ımplantasııalaý boıynsha 100-den asa operasııa ótkizgen. Olardyń deni eńbekke jaramdy jastaǵy adamdar, naqtylaı ketsek, 91 paıyzy er adamdar, al,  ortasha jasy 50 jas. Aıgúl SEIILOVA, «Egemen Qazaqstan».