Jeńiske 100 kún qalǵanda

Is-shara jastardy otansúıgishtikke tárbıeleýge, ardagerlerdi qurmetteýge, Ekinshi dúnıejúzilik soǵysqa qaty­sýshylardyń batyrlyǵyn nasıhattaýǵa, sondaı-aq Otandy qorǵaýdyń qundy­lyǵyn jáne urpaqtardyń tarıhı sabaq­tastyǵyn tereń túsinýge baǵyttalǵan.

Baýyrjan Momyshuly atyn­daǵy 5571 áskerı bóliminiń áske­rı qyzmetshileri bul ıgi bastamany 28 gvardııalyq-panfılovshylar saıa­baǵyndaǵy máńgilik alaýǵa gúl shoq­taryn qoıýdan bastady. Bólimniń ás­kerı orkestri saıabaqtaǵy Dańq memorıaly aldynda soǵys jyldaryndaǵy ánder men mýzykalardy oryndady.

100 kún boıy ótetin mańyzdy shara aıasynda Ekinshi dúnıejúzilik soǵys ardagerleri men tyl eńbekkerlerine qol­daý jáne qaıyrymdylyq kó­mek kórsetý aksııalary, áskerı qyz­met­shiler men Ulttyq ulan ardager­le­riniń qatysýymen bilim berý uıymda­ryndaǵy erlik sabaqtary, áskerı bólimderde «Ashyq esik kúnderi», jas­tar arasynda patrıottyq chelendjder uıymdastyrylady. Sondaı-aq ardager úıiniń aldynda áskerı orkestr soǵys jyldaryndaǵy ánderdi oryndaıdy. Ulttyq ulannyń áskerı qyzmetshileri saltanatty sherýmen ótip, ardagerge áskerı sálem beredi. Aksııa mamyrda – Jeńistiń 80 jyldyǵy merekesi kezinde qorytyndylanady.