Foto: ashyq derekkóz
Eseptegi málimetke súıensek, Groznyı áýejaıyna eki ret qona almaǵannan keıin ekıpaj Bakýge oralýdy uıǵarǵan. Saǵat 05:13:32-de keri qaıtý kezinde ushaqtyń negizgi basqarý júıeleri joǵalǵan.
«Ári qaraı, saǵat 05.42-de ekıpaj Aqtaýdaǵy qosalqy aerodromǵa shuǵyl qonýǵa shyǵý týraly sheshim qabyldady. Ushaq bortynda ekıpajdyń bes múshesi jáne 62 jolaýshy bolǵan. Apat saldarynan ushaq komandıri, ekinshi ushqysh, aǵa bortserik jáne 35 jolaýshy (barlyǵy 38) qaıtys boldy (onyń ishinde alty Qazaqstan azamaty, 25 Ázerbaıjan, jeteýi Reseı azamaty), eki bortserik jáne 27 jolaýshy túrli dárejedegi dene jaraqattaryn alǵan. Saldarynan ushaq qırap, jartylaı janyp ketken», delingen habarlamada.
Ushaq apaty Aqtaý aerodromynyń 11 ushý-qoný jolaǵynyń shetjaǵynan soltústik-batysqa qaraı shamamen 5 shaqyrym jerde (Aqtaýdan soltústik-batysqa qaraı shamamen 25 shaqyrym jerde) boldy.
Tergeý komıssııasy ushaqtyń artqy bóliginen kóptegen shuryq tesikti anyqtaǵan. Buǵan qosa, sol jaq motor men sol jaq qanaty da búlingen. Keıbir tesik syrttan ushyp kelgen zattardan bolǵan.
Tekserý jumystaryna ushaqty jasaǵan uıymnyń jáne «Ázerbaıjan Hava Iollary» JAQ áýe kompanııasynyń ókilderi qatysqan.
Aldyn-ala esep Kóliktegi oqıǵalar men oqys oqıǵalardy tekserý departamentiniń resmı saıtynda jarııa etildi.
Naqty esep tergeý jumystary tolyq aıaqtalǵannan keıin beriledi.
