Foto: kazgazeta.kz
Ortalyq ónerkásiptik kooperasııa ekonomıkalyq jáne ınvestısııalyq yntymaqtastyqty damytýǵa baǵyttalady. Sondaı-aq, taraptardyń shaǵyn jáne orta ónerkásiptik kásiporyndaryn halyqaralyq qun tizbegine biriktirip, básekege qabilettiligin arttyrady dep josparlanyp otyr.
Ortalyq alańy 500 sharshy metr alańdy quraıdy. Olar ár memlekettiń óz quzyryna berildi. Iаǵnı bizdiń bólikti basqarý QR Saýda jáne ıntegrasııa mınıstrligine, al ózbek bóligi О́zbekstan Respýblıkasynyń Investısııalar, ındýstrııa jáne saýda mınıstrligine júkteldi.
Saýda nysany «Atameken» (Qazaqstan) jáne «Gúlistan» (О́zbekstan) baqylaý-ótkizý beketteri mańyndaǵy elderdiń shekaralas aımaqtarynda ornalasady.
«Olar ortalyqtyń bir bóliginen ekinshi bóligine ótetin adamdardy, kólik quraldaryn, júkterdi, taýarlar men janýarlardy shekaralyq, kedendik jáne basqa da baqylaý túrlerin júrgizý úshin paıdalanylady. Ortalyq aýmaǵynda sharýashylyq sýbektileri óndiristik kooperasııany damytýǵa baǵyttalǵan is-sharalar júzege asyrylady», delingen Májilis habarlamasynda.
