Foto: egemen.kz/Erlan Omar
Kúdikti 2019 jyldyń mamyrynan 2020 jyldyń naýryzyna deıingi aralyqta jalǵan qujattar arqyly 50 mıllıon teńgeni zańsyz ıemdengen.
Ol óndiristik shyǵyndardy rastaý úshin jeke kásipkerlerden sút alǵany týraly negizsiz esep berip, maı óndirisi týraly da jalǵan derekter usynyp kelgen.
Qarjylyq tergeý barysynda kúdikti sýbsıdııa qarjysyna «TOYOTA LAND CRUISER PRADO 150» markaly avtokólik satyp alǵany belgili boldy. Aýyl sharýashylyq óndiristik kooperatıviniń basshysy qymbat kólikti senimdi ózge azamattyń atyna rásimdegen.
«Sottyń sanksııasymen atalǵan avtokólikti paıdalanýǵa tyıym salyndy. Kúdiktige qatysty sot 2 aıǵa «qamaýǵa alý» túrinde bultartpaý sharasyn taǵaıyndady. О́zge aqparat QR QPK 201-baby boıynsha tergeý múddesine saı jarııa etilmeıdi», delingen Qarjylyq monıtorıng agenttiginiń habarlamasynda.
