Krıtıkalyq ıshemııa dep otyrǵanymyz – bul tinderge ottegi men qorektik zattar jetkiliksiz bolatyn aýyr dert. Nátıjesinde aýyrsyný paıda bolady, aıaq-qol tininde trofıkalyq ózgerister órship, osydan keıin nekroz bastalady. Der kezinde em-dom júrgizilmese, keseli asqynyp, nátıjesinde gangrena, sepsıs pen aıaq-qoldyń ampýtasııasyna alyp keledi.
Osyndaı jaǵdaıda qalaıda naýqastyń aıaǵyn saqtap, qan aınalymyn qalpyna keltirý úshin qan tamyrlary hırýrgy Sultan Ilıev MÁMS sheńberinde myqyn arterııasyn stentteý operasııasyn jasady.
Barynsha zaqymy az operasııa zaqymdanǵan tamyrdy keńeıtip, qan aǵymyn qalpyna keltirýge múmkindik berdi. Osylaısha operasııa barynsha sátti ótkendikten, aýyr asqynýlardyń joly kesilip, naýqasty qaıta aıaǵynan turǵyzdy.
Almatydaǵy Ortalyq qalalyq klınıkalyq aýrýhanasynda qoldanatyn ozyq endovaskýlıarlyq tehnologııalar qan tamyrlary aýrýlarynyń aýyr túrlerin tıimdi emdeýge jol ashyp otyr.
ALMATY
