Foto: ashyq derekkóz
AQSh prezıdenti Donald Tramp ǵylymı zertteý jumystaryna federaldy granttar men nesıelerdi bólýdi toqtata turý týraly birsypyra buıryq shyǵarǵannan keıin amerıkalyq ǵylymı qaýymdastyq tuıyqqa tireldi.
Vashıngtondaǵy federaldy sot prezıdent jarlyǵynyń oryndalýyna ýaqytsha tosqaýyl qoıǵanymen, kóptegen ýnıversıtetter óz qyzmetkerlerine ǵylymı zertteýlerge, onyń jabdyqtaryna ketetin shyǵyndardy toqtata turýdy usyndy.
Aıta keteıik, buǵan deıin AQSh prezıdentiniń ákimshiligi ǵylymı zertteýlerge federaldy kómek baǵdarlamalaryn ýaqytsha toqtatý kerek degen memorandýmdy jarııalaǵan bolatyn.
Alaıda naqty qandaı saladaǵy ǵylymı zertteýlerdi qarjylandyrý toqtatylǵany túsindirilgen joq. Ǵalymdardyń jumysyn kidirtip, basyn qatyrǵan saýal – osy.
Sarapshylar úkimet jarlyǵy qarastyrylyp jatqanda, olardyń bul sheshimi ǵylymı ortada úlken dúmpý týǵyzatynyn eskertken edi.
Bul rette zańgerler ǵylymdy qarjylandyrýdy ýaqytsha bolsyn toqtatý prezıdent ókiletiniń sheńberinen tys áreket ekenin aıtady. Olar Tramptyń bul sharasyn anyq shekten shyǵý dep baǵalap, qarajattyń jumsalýyn baqylaý jumysy Kongreske tıesili ekenin alǵa tartyp otyr.
Ázirge AQSh bıligi ǵylymdy qarjylandyrý ne sebepten toqtap turǵanyn resmı málimdegen joq.
