Aqpan aıynyń ekinshi aptasynda búkil álemde atap ótiletin Qaýipsiz ınternet kúni sıfrlyq tehnologııalardy, ásirese jastar arasynda, qaýipsiz ári jaýapty paıdalanýǵa nazar aýdarýǵa baǵyttalǵan.
Qaýipsizdikti saqtaý maqsatynda TikTok álemdegi eń ınnovasııalyq tehnologııalardy qoldanyp, ondaǵan myń kásipqoı mamandardyń qyzmetine júginip otyrǵany belgili. Atap aıtqanda, platformanyń 24/7 formatyndaǵy moderasııasy Qaýymdastyq erejelerin buzatyn beıne-kontentti joıady jáne ashyqtyqty saqtaý aıasynda TikTok toqsandyq esepterinde joıylǵan kontent sanymen bólisip otyrady. Máselen, 2024 jyly Qazaqstanda Qaýymdastyq nusqaýlaryn buzǵany úshin 6,5 mıllıonnan astam beıne joıylǵan (ótken jyly 4 mıllıonnan astam beıne joıylǵan). Mysaly, beınebaıandardyń 95%-y birden, ıaǵnı olarǵa shaǵym túspeı turyp, 80%-y platforma paıdalanýshylary kórmeı turyp joıyldy. Al 930 myńnan astam tikeleı efır ereje buzǵandyqtan buǵattaldy.
Qazirgi tańda platforma kámeletke tolmaǵan qoldanýshylardyń qaýipsizdigine erekshe nazar aýdaratyndyqtan, moderatorlar toby 13 jasqa tolmaǵandardyń eseptik jazbalardy anyqtap, joıyp otyrady. Máselen, 2024 jyly Qazaqstanda 13 jasqa tolmaǵan qoldanýshylardyń 1,9 mıllıon eseptik jazbasy joıyldy.
TikTok elimizde sıfrlyq saýattylyq negizderin oqytatyn bastamalarǵa belsendi ınvestısııa salýdy jalǵastyryp jatyr desek, 2023 jyly platforma «Qaýipsizdik akademııasy» aýqymdy jobasyn iske qosty, onyń sheńberinde qoldanýshylar ózderin onlaın-býllıngten, basqa da sıfrlyq qaýipterden qalaı saqtanýdy, onlaın jáne offlaın ómirdiń tepe-teńdigin qamtamasyz etýdi, feıkterdi shyndyqtan ajyratý syndy nárselerdi úırengen kórinedi.
Qaýipsiz ınternet kúnine oraı TikTok tanymal kontent avtorlary jasaǵan «Eń Aldymen Qaýipsizdik», qazaq tilinde oqytatyn beınebaıandardy jańa serııasyn iske qosty. Máselen, @_danoochkaa qaýymdastyq erejelerin buzýy múmkin kotentterge shaǵym jiberý kerektigin eske salsa, @saykachuu platformada kez kelgen jekkórýshilik, kemsitýshilikke tyıym salynatynyn, @nurqojadua alaıaqtarǵa aldanbaýdy, @medet.jan ata-analarǵa jasóspirim balalardyń qaýipsizdik baptaýlaryn baqylaýǵa múmkindik beretin «Otbasy baptaýlary» quralyn eske túsiredi. Sol sııaqty @aqolek ózgelerdi qorlap, masqaralaıtyn, @aitoqueen TikTok tek 13 jasqa tolǵandarǵa arnalǵanyn baıandaıdy.
Sondaı-aq Astana Hub IT-startaptardyń halyqaralyq tehnoparki joba seriktesine aınaldy jáne onyń komandasy kıberpolısııa keıipkerleri qyzyqty ekshn-formatta paıdalanýshylardy ártúrli sıfrlyq qaýipterden qutqaryp otyratyn CyberKúzet atty beınerolıkter serııasyn jasap shyǵarǵan.
