Londondaǵy Kýrto óner ınstıtýty ǵalymdarynyń aıtýynsha, Pıkasso bir beıneni ekinshi bir kórinispen jymdastyryp, «Mateý Fernandes de Sotonyń portreti» atty týyndysyna qupııa syr jasyrǵan. «Biz kópten beri bul kartınanyń astarynda basqa beıne bar dep kúdiktenip júrgenbiz. Sebebi keneptiń betinde kórinbeıtin, biraq seziletin izder men tekstýralar bar. Keıin biz rentgendik taldaý arqyly onyń áıel sulbasy ekenin anyqtadyq. Bul jańalyq tek bir kartınanyń syryn ashyp qana qoımaı, Pıkassonyń shyǵarmashylyq ádisin qaıta zerdeleýge jol ashady», dedi Kýrto galereıasynyń orynbasary Barnabı Raıt.
