«Biz uryqtandyrýdyń tabıǵılyqqa barynsha jaqyndatýǵa múmkindik beretin Piezo ICSI ádisin belsendi túrde engizip jatyrmyz, sonymen qatar embrıondardy taldaýda jasandy ıntellekt qoldanamyz», deıdi maman.
Mamannyń aıtýynsha, emhana analyq jasýshalar men embrıondardy krıokonservasııalaýdy qoldanýdy keńeıtip otyrsa, bul áıelderge urpaqty bolý jasýshalarynyń sapasyn joǵaltpaı bosanýdy keıinge qaldyrýǵa múmkindik beredi.
Sondaı-aq Almatyda tuqym qýalaıtyn aýrýlardy joqqa shyǵarýǵa múmkindik beretin sońǵy zerthanalyq dıagnostıkalyq ádister, ımplantasııaǵa deıingi genetıkalyq testileý baǵdarlamalary, jynys jasýshalaryn krıokonservasııalaý ádisteri engizilip jatqanyn da aıta ketken jón.
«Tehnologııalardyń damýy men qalanyń ǵylymı áleýetiniń arqasynda biz talaı otbasyna sábıli bolýǵa kómektesip qana qoımaı, genetıkalyq patologııaǵa baılanysty qaýipterdiń aldyn alamyz», dep atap ótti maman.
