Foto: gov.kz
Almaty qalasy seısmıkalyq belsendi aımaqta ornalasqan. Sondyqtan qalada kúshti jer silkinisterin boljaıtyn jáne erte habarlaıtyn 28 stansııa jumys isteıdi. Erbolat Dosaev kezdesýde qosymsha 70 stansııa ornatý josparlanyp otyrǵanyn aıtty. Bıyl 30 stansııa ornatylsa, 2026 jyldyń sońyna deıin taǵy 40 stansııa iske qosylmaq.
Almaty ákimi QHR Jer silkinisteri agenttiginiń tabıǵı apattar qaýpin azaıtý baǵytyndaǵy jumystarymen tanysyp, Almatyda seısmıkalyq qaýip-qaterdi tómendetý máselesin talqylady. Resmı sapar qortyndysynda Qazaqstannyń seısmologııalyq baıqaý jáne zertteýler ulttyq ǵylymı ortalyǵy men Qytaıdyń Jer silkinisteri agenttiginiń Geofızıka ınstıtýty arasynda seısmıkalyq monıtorıng jáne erte habarlaý júıelerin biriktirý boıynsha birlesken jumys týraly kelisimge qol qoıyldy. Bul qujat eki el mamandaryna seısmıkalyq aqparatpen naqty ýaqyt rejıminde almasýǵa múmkindik beredi.
«Halyqty tabıǵı apattar týraly aldyn ala habardar etý jáne olardyń jer silkinisine daıyndyǵyn qamtamasyz etý – ózekti máseleniń biri. Osyǵan baılanysty CEA jáne Qytaıdyń Geofızıka ınstıtýtymen yntymaqtastyq biz úshin óte mańyzdy», dedi Erbolat Dosaev.
О́z kezeginde QHR Jer silkinisteri agenttiginiń prezıdenti Van Kýn seısmıkalyq monıtorıng pen erte áreket etý boıynsha tájirıbe almasý barysynda jan-jaqty qoldaý kórsetiletinin atap ótti.
