«Biz jetinshi ret «Bıznestegi áıelder» baǵdarlamasy aıasynda 1 mlrd teńge bóldik. Bul qarjylandyrý tek qana banktiń jeke qarajaty esebinen júrgiziledi», dedi Úmit Bolathanqyzy.
Onyń aıtýynsha, budan basqa, Halyk Bank Visa - She's Next birlesken jobasyna qatysady. Bul áıelderdi oqytýmen aınalysatyn jeke baǵdarlama.
«Olardy bıznes júrgizýge úıretip, nesıeler emes, granttar bólemiz» deıdi Halyk Bank basshysy.
Sonymen qatar, Halyk Bank basshysy aǵymdaǵy jyly qazaqstandyq kásipkerlerdi qandaı syn-qaterler kútip turǵanyna jeke toqtaldy.
«Biz salyq salý boıynsha belsendi talqylaýlar júrip jatyrǵanyn kórip otyrmyz jáne elde ınflıasııanyń ósýi baıqalyp otyr, ol bazalyq mólsherlemeniń ósýine alyp kelýi múmkin. Tıisinshe, bul bankter tarapynan qorlandyrý men kredıtteý qunynyń ósýine yqpal etedi. Osylaısha, halyqtyń satyp alý qabileti tómendeıtin bolady. Bul degenińiz taýarlardyń neǵurlym qymbat segmentinen orta nemese, aıtalyq, ekonom-deńgeıge qaıta qurylý kerek degendi bildiredi» dedi ol.
Ú.Shaıahmetova pandemııa kezindegi jáne Reseı-Ýkraına qaqtyǵysy bastalǵannan keıingi logıstıkalyq tizbektegi ózgeristerge nazar aýdaryp, bızneske óz baǵyttaryn, sonyń ishinde jetkizý, saýda seriktesteri men magıstraldar boıynsha qaıta qurý týraly óz usynystarymen bólisti.
Eske salaıyq, Halyk Bank ekonomıkanyń naqty sektoryn belsendi túrde nesıelendiredi. Onyń portfelindegi qaryzdardyń 50% -dan astamy zańdy tulǵalarǵa tıesili. Bul nesıeler ekonomıkanyń barlyq segmentterine, sonyń ishinde ónerkásip, baılanys, saýda, aýyl sharýashylyǵy jáne basqalaryna berilgen.
