Ataýly jyldyń jospary

Qazirgi tańda óńirdegi 26 kolledjde 22012 stýdent bilim alady. Sonyń ishinde 89 mamandyq, 129 biliktilik boıynsha eńbek naryǵyna qajetti mamandar bilim alsa, 15 kolledjde 3 955 stýdentten 24 mamandyq, 29 biliktilik boıynsha jumysshy kadrlary daıarlanyp jatyr.

Mańǵystaý oblystyq bilim basqarmasy Tehnıkalyq jáne kásiptik bilim bóliminiń basshysy Janııa Ońalbaevanyń aıtýyn­sha, jumysshy, eńbek adamyn dáripteý maqsatynda óńirlik is-sharalar jospary oblys ákiminiń ókimimen bekitildi. Sondaı-aq josparǵa memlekettik organdar, jumys berýshiler men bilim berý mekemeleri arasynda ótkiziletin 112 is-shara engizildi.

Is-sharalar josparyn jú­zege asyrý úshin jumysshy to­by qurylyp, medıa-jospar jasaldy.

– Osy baǵytta keń kólem­de aqparattyq-túsindirý jumys­tary bastaldy. Josparda 2025–2026 jyldary oqý-zerthanalyq ǵımarat, IT hub ashý, halyqaralyq salalyq akkredıtteýden ótý, jumys berýshi qarajaty esebinen quzyrettik ortalyqtaryn ashý, jumys berýshilerdiń naq­ty tapsyrysy boıynsha maqsat­ty bi­lim berý tapsyrysyn ul­ǵaı­tý, «Sý men jabdyqtaý jáne sý burý júıeleriniń tazar­tý qu­rylystaryn paıdalaný», «Gıdr­ogeologııa jáne ınje­ner­lik geologııa» syndy eki jańa mamandyq ashý, kólik, qyzmet kórsetý, qurylys salalary bo­ıynsha stýdenttik jasaq qurý is-sharalary josparlandy, – dedi J.Ońalbaeva.

Jaqynda óńirde «Adal eńbek – adal tabys» taqyrybynda «Jumys­shy mamandyqtary jyly» sal­tanatty túrde ashyldy. Endi ju­mysshy mamandyǵyn qoldaýǵa qatysty is-sharalar túrli deńgeıdegi aqparat quraldary arqyly jarııalanyp otyrady. Bul – jastardyń jáne azamattardyń barlyq múddeli sanattarynyń jumysqa ornalasý, biliktiligin arttyrý jáne kásibı ósý úshin qoljetimdi múmkindikter týra­ly keńinen habardar bolýyn qamtamasyz etedi.

 – Orta mektepterde kásibı baǵdar berý kabınetteri jasaq­talady. Sonyń aıasynda kolledj­der tarapynan jańa jobalar iske asady. Osy is-sharalardyń barlyǵy jumys berýshiler, bilim berý mekemeleri men jastar arasynda berik baılanys ornatýǵa, jumysshy kásipteriniń bedelin arttyrýǵa, sondaı-aq Mańǵystaý oblysynda jastardyń jumysqa ornalasýy men mansaptyq ósýi úshin múmkindikterdi jaqsartýǵa kómektesedi, – dedi J.Ońalbaeva.

«Jumysshy mamandyqtary jyly» tek ádemi is-sharalardyń emes, jumysshylar men stýdentter úshin, sondaı-aq jumysqa ornalasamyn, biliktiligimdi arttyramyn degender úshin shyn máninde tabys­ty bolady dep senemiz.

Mańǵystaý oblysy