«Adal azamat» jobasy birliktiń, yntymaqtastyqtyń, ádilettiliktiń, zań men tártiptiń jalpyulttyq qundylyqtaryna berilgen joǵary adamgershilik jáne jaýapty tulǵalardy tárbıeleýge baǵyttalyp otyr.
Jeńimpazdardy irikteý kezinde olardyń kásibı eńbegine ǵana emes, sondaı̆-aq «Adal azamat» ıdealynyń qundylyq baǵdarlaryn beı̆neleı̆tin jeke qasıetteriniń bolýyna basty nazar aýdaryldy.
«Adal azamat» jobasynyń «Ulaǵatty ustaz» nomınasııasymen Temirtaý qalasynyń №14 mektep-lıseı̆iniń fızıka jáne robototehnıka muǵalimi Varzın Vıacheslav marapattaldy. «Eren eńbek ıesi» nomınasııasynyń úzdik ókili retinde T.Kúzembaev atyndaǵy shahtanyń aldyńǵy qatarly brıgadalarynyń biriniń uńǵymashysy Nurlan Satmaǵambetov tanyldy. «Mádenıet maı̆talmany» nomınasııasyn Balalar men jasóspirimderge arnalǵan Temirtaý teatrynyń 3-razrıadty tiginshisi Tatıana Rýban ıemdendi.
«Ádildik saqshysy» nomınasııasy boı̆ynsha Ońtústik-Shyǵys polısııa bóliminiń jergilikti polısııa qyzmeti bólimshesiniń ıývenaldy polısııa tobynyń ýchaskelik polısııa ınspektory Aı̆dana Shaı̆merdenova jeńimpaz atandy. Qaraǵandy qalasy Tótenshe jaǵdaı̆lar basqarmasynyń №10 órt sóndirý bólimi bastyǵynyń orynbasary Magarbı Býzýrkaev «Erjúrek qutqarýshy» atandy.
Al «Abzal jan» nomınasııasyn Qaraǵandy qalasynyń №3 emhananyń otbasylyq densaýlyq ortalyǵynyń bólim meńgerýshisi Ǵalııa Myńtaeva ıemdendi.
Sonymen qosa «Izgilik jarshysy» nomınasııasynyń úzdik ókili bolyp erikti Arına Bekbaeva laı̆yq dep tanyldy.
Qaraǵandy oblysynyń ákimi Ermaǵanbet Bólekpaev quttyqtaý sózinde aqsaqaldar keńesiniń dástúrlerdi saqtaýdaǵy jáne jas urpaqty tárbıeleýdegi erekshe rólin atap ótti. «Jergilikti halyqtyń sapalyq quramy salaýatty básekelestik pen Jaýapty azamat – Eńbek adamynyń oń ımıdjin qalyptastyrý úshin jemisti jaǵdaı̆ jasaı̆dy» dedi.
Is-sharanyń resmı bóliminen keı̆in qonaqtarǵa óńirdiń etnomádenı birlestikteriniń shyǵarmashylyq ujymdarynyń, Qalı Baı̆janov atyndaǵy konserttik birlestigi ártisteriniń qatysýymen saltanatty konsert uı̆ymdastyryldy. Aı̆ta keteı̆ik, osymen tórtinshi ret ótip jatqan keńes otyrysy buǵan deı̆in Astana, Aqtaý, Túrkistan qalalarynda uı̆ymdastyrylǵan bolatyn.
