Avıasııany damytýdyń alǵysharty

Sapar aıasynda elshi áýejaı­dyń jańa halyqaralyq termınalyn aralap, nysannyń ınfra­qu­rylymyn, servıs deńgeıi men óńirdiń avıasııalyq torabynyń damýyna qosqan úlesin joǵary baǵalady. Fransııa men Qazaqstan arasyndaǵy yntymaqtastyqty tabys­ty seriktestiktiń mysaly dep atap, ekijaqty baılanystardy nyǵaıtýdyń mańyzdylyǵyna mán berdi. Qos el túrli salada árip­testikti qarqyndy damytýdy jalǵastyryp jatqanyn da tilge tıek etti. Ol elimizdiń ın­fra­qurylymyna, onyń ishinde Almaty áýejaıyn damytýǵa bel­sen­di ınves­tısııa salatyn TAV toby sheń­berinde Fransııa men Túrkııa­nyń tabysty seriktestigin mysal­ǵa keltirdi.

«Fransýz ınvestısııalary Qazaqstan ekonomıkasynda, ásire­se avıasııa jáne týrızm sııaqty strategııalyq baǵyttarda mańyz­dy ról atqarady. Almaty áýejaıyn halyqaralyq hab retinde damytý óńirdiń týrıstik tartym­dy­lyǵynyń artýyna ǵana emes, Qazaqstan men álemniń qalǵan bóligi arasyndaǵy baılanystardyń jaqsarýyna yqpal etedi», dedi Sılvan Gıoge.

Sondaı-aq Qazaqstan jańa ha­lyqaralyq termınal sııaqty joba­lardyń arqasynda álemdik avıa­sııalyq jeliniń mańyzdy býynyna aınalatynyn, bul elge keletin týrıs­ter aǵyny men ınves­tı­sııalardyń kóbeıýine yqpal etetinin jetkizdi.

«Biz Almaty áýejaıyn jań­ǵyr­tý bastamalaryn qoldaı­myz. Bul óz kezeginde ekonomıkanyń ósýine ǵana emes, týrızmdi, saýdany jáne halyqaralyq baılanystardy damytýǵa jańa múmkindikter týǵyzady», dedi Fransııa elshisi.

Kezdesý barysynda Almaty áýejaıy fransýz kompanııa­la­rynyń «TAV Airports» arqyly áýejaı kapıtalyna janama qatysýyn qosa alǵanda, Qazaq­stan­ǵa salynǵan fransýz ınves­tı­sııa­larynyń aýqymdy úlesin quraıtyny aıtyldy.

«Almaty Ortalyq Azııanyń negizgi haby bolyp esepteledi, al áýejaı óz kezeginde óńirdiń basty áýe qaqpasynyń rólin atqarady. Fransııa elshisiniń sapary bizdiń memleketter arasyndaǵy ınvestısııa men ınfraqurylym salasyndaǵy yntymaqtastyqtyń joǵary deń­geıin kórsetedi», deıdi Syrtqy is­ter mınıstrliginiń ókili Jánibek Ábdirashov.

Áýejaı prezıdenti Goker Koseniń aıtýynsha, 2025 jyly halyqaralyq Almaty áýejaıy ınfra­qurylymdy keńeıtýge jáne qyzmet kórsetý sapasyn jaqsartýǵa ınvestısııa salýdy jalǵastyra otyryp, 12 mln-nan astam jolaýshyǵa qyzmet kórsetý­di josparlap otyr. Jaqyn arada Almatynyń halyqaralyq avıa­­­sııalyq hab retindegi pozısııa­syn odan ári nyǵaıtý jónindegi stra­tegııalyq maqsattardy kórse­tetin aldaǵy jyldarǵa arnalǵan áýe­jaıdy damytý jónindegi jospar usy­nylmaq.

«Bizdiń jańa halyqaralyq termınal Ortalyq Azııada «Excellence in Design for Greater Efficiencies (EDGE)» baǵdarlamasy boıynsha sertıfıkattaýǵa ıe bolǵan alǵash­qy termınal bolǵanyn maq­tan tutamyz. Bul joǵary ekolo­gııalyq standart qana emes, sonymen qatar áýejaıdyń turaqty damýyna jasalǵan mańyzdy qadam. Mundaı jobalar Almaty­nyń týrızm men halyqaralyq áýe tasymalynyń negizgi ortalyǵy retinde odan ári órkendeýine yqpal etetinine senimdimiz», deıdi Goker Kose.

Almaty