Foto: Kollaj: Qaz365.kz
«Biz Birgemiz Qazaqstan 2030» qoǵamdyq birlestigi 2021 jyldyń 11 qazanynda Astana qalasyndaǵy ádilet departamentinde tirkelgen.
«Osy jyldyń 14 aqpanynda Astana qalasynyń mamandandyrylǵan aýdanaralyq ekonomıkalyq sotyna joǵaryda atalǵan uıymnyń memlekettik tirkeýin jaramsyz dep tanyp, májbúrlep taratýdy kózdeıtin talap-aryz berildi», dep habarlady Ádilet mınıstrliginiń baspasóz qyzmeti.
Vedomstvonyń habarlaýynsha, sot talabyn berýge Qarjylyq monıtorıng agenttiginiń «Biz Birgemiz Qazaqstan 2030» qoǵamdyq birlestigin tirkeýdi joıý rásimine bastamashylyq jasaý týraly haty negiz bolǵan.
«Sebebi birlestik qurý kezinde joıylmaıtyn sıpattaǵy, ıaǵnı sot sheshimi boıynsha zańdy tulǵany taratýǵa negiz bolatyn zańnamalyq buzýshylyqtarǵa jol berilgen», delingen habarlamada.
Esterińizge sala keteıik, Perızat Qaırat kóktemgi sý tasqynynan zardap shekken azamattarǵa kómek kórsetý úshin, sondaı-aq Palestına turǵyndaryna gýmanıtarlyq kómek kórsetý maqsatynda jınalǵan 1,7 mlrd teńgeden astam qarajatty jymqyrdy degen kúdikke ilindi.
