Foto: Ashyq derekkóz
Esterińizge sala keteıik, 2003 jyldyń mamyr aıynda Qostanaı qalasynda zorlyq-zombylyqpen óltirilgen 21 jastaǵy jergilikti turǵynnyń máıiti tabylǵan. Saraptama nátıjesi ony tunshyqtyryp óltirgenin kórsetken. Bul jaǵdaı boıynsha qylmystyq is qozǵalyp, tergeý jumystary bastalǵan edi.
Alǵashqyda kúdiktilerdiń biri anyqtalǵanymen, onyń kisi óltirýge qatysy bary týraly jetkilikti dálelder tabylmaǵan. Alaıda, polısııa qyzmetkerleri 20 jyl boıy dálelder jınaýdy toqtatpaı, tergeý jumysyn jalǵastyrǵan. Aqpan aıynda qosymsha tergeý sharalary júrgizilip, nátıjesinde 44 jastaǵy kúdikti qolǵa túsken.
«Kúdikti 2003 jyldyń aqpan aıynda marqummen tanysqanyn jáne ekeýi birge ishimdik ishkenin aıtty. Onyń sózinshe, jábirlenýshi jynystyq qatynasqa túsýden bas tartqan soń, kúdikti ony tunshyqtyryp óltirgen. Qazirgi ýaqytta kúdikti tergeý ızolıatoryna qamaýǵa alynyp, qylmystyq is sotqa joldandy», delingen habarlamada.
Aıta keteıik, Qostanaı oblysy polısııa departamenti ótken jyldardaǵy aýyr qylmystardy ashý boıynsha jumysty jalǵastyryp, bıyl 44 aýyr qylmysty ashqan.
