Jambyl oblysy ákimdigi jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Samat Tóregeldıev keltirgen derek boıynsha, óńirge ótken jyly kelgen qandastardyń 88,7 paıyzy kórshiles О́zbekstan Respýblıkasynan qonys aýdarsa, 4, 3 paıyzy Qyrǵyz Respýblıkasynan, qalǵan 6 paıyzy ózge memleketterden kelipti.
«703 otbasydan quralǵan 1198 azamatqa qandas mártebesi berildi. Sondaı-aq, 95 otbasydan turatyn 116 adamǵa qandas mártebesi uzartyldy. Prezıdent tapsyrmasyna sáıkes 2023 jyldyń shildesinen bastap, shetelde turyp jatqan qazaqtarǵa arnalǵan arnaıy «Ata joly» kartalaryn berý úrdisi qolǵa alyndy. Alaıda ázirge oblysqa «Ata joly» baǵdarlamasy aıasynda etnıkalyq qandastar ótinish bildirmegen. Atalǵan kartanyń basty basymdyqtarynyń qataryna sheteldegi ulty qazaq aǵaıyndarymyzdyń 10 jylǵa deıin bizdiń elde turýǵa jáne jumys isteýge, áleýmettik kómekter, tegin bilim alýǵa, bıznes ashýǵa kelgen elinen azamattyǵyn saqtaı otyryp jumys júrgizýge múmkindik beredi», deıdi S. Tóregeldıev.
