– Sportshylardyń ózge eldiń týy astynda óner kórsetýi, terin tógip eńbek etýin qalypty qubylys. Men de 2007 jyly Reseıden Qazaqstanǵa qonys aýdardym. Týyp-ósken elimde aýyr atletıka sportynyń álippesin úırendim, básekelestik qaınaǵan ortada ózimdi qaırap, shyńdala tústim. Adam ósýdiń, ilgeri jyljýdyń qamymen qareket etýi kerek. Men de sol maqsattyń jeteginde Qazaqstanǵa taban tirep, táýbe, osy eldiń atynan London jazǵy Olımpıadasyna, jazǵy Azııa oıyndarynyń alamanyna qatysyp, top jardym. Álem chempıonattarynda teńdessiz ekenimdi dáleldedim. Osyndaı múmkindik týdyrǵan qazaq eline aıtar alǵysym sheksiz.
Áli esimde, qazaq topyraǵyna alǵash tabanym tıgennen-aq óz qyzyndaı qabyldap, ystyq qushaǵyna qysty, baýyryna tartty. Aýyr atletıka federasııasynyń basshylyǵyna da alǵysym sheksiz. 2016 jyly basymyzǵa qara bult tónip, dopıng daýynyń daýyly úıirip áketkende de federasııa basshylyǵy qoldaý kórsetti. Qanymyzdan tyıym salynǵan preparat tabyldy dep Olımpıadanyń altyn medalin qaıtaryp alǵany belgili. Biraq aýyr atletıka federasııasy álem chempıonaty, Azııa oıyndary, qurlyq birinshiligi syndy baıraqty dodalardan oljalaǵan medaldarymyzdyń ózimizde qalýyna orasan septigin tıgizdi. Maıa Maneza, Zýlfııa Chınshanlonyń da álem chempıony ataǵy men ózge de jeńisteri ózderiniń enshisinde qaldy. О́zimniń keleshegimdi, ulym Rýslannyń bolashaǵyn Qazaqstannyń erteńimen baılanystyramyn, – deıdi Svetlana.
Daıyndaǵan –
Qýanysh NURDANBEKULY,
«Egemen Qazaqstan»
