Olar bul qarajatty turǵyn úı jaǵdaılaryn jaqsartý jáne (nemese) bilim berý aqysyn tóleý úshin paıdalana alady.
Qorǵa Baǵdarlamaǵa qatysýshylardyń zańdy ókilderinen elektrondyq úkimettiń ınternet-resýrstarynda (EGOV Mobile saıty men uıaly qosymshasynda) 2006-2007 jyldary týǵan balalaryna eseptelgen NJ týraly aqparattyń bolmaýy máselesine qatysty ótinishterdiń jıi túsýine oraı, BJZQ kámeletke tolǵan nemese 18 jasqa 2025 jyly tolatyn azamattar ózderiniń NJ týraly aqparatty Qordyń nemese elektrondyq úkimettiń ınternet-resýrsyndaǵy jeke kabıneti arqyly óz betinshe alýy tıis ekenin eskertedi. Osylaısha, BJZQ qazaqstandyq zańnamaǵa sáıkes nysanaly jınaqtardyń qaldyqtary men qozǵalysy týraly málimetterdi qosa alǵanda, NJ alýshylarǵa qatysty aqparattyń qupııalylyǵyna kepildik beredi.
NJ tólemi men olardy turǵyn úı jaǵdaılaryn jaqsartý jáne/nemese bilim alýǵa aqy tóleý maqsatynda paıdalaný tártibi:
- Qazaqstan Respýblıkasy Úkimetiniń 2024 jylǵy 18 qańtardaǵy №16 qaýlysymen bekitilgen Nysanaly talaptardy, nysanaly jınaqtardy jáne nysanaly jınaq tólemderin qalyptastyrý men esepke alý, sondaı-aq nysanaly talaptardy esepke jazý qaǵıdalarynda;
- Qazaqstan Respýblıkasy О́nerkásip jáne qurylys mınıstriniń 2024 jylǵy 26 aqpandaǵy №76 buıryǵymen bekitilgen Qazaqstan Respýblıkasynyń zańnamasyna sáıkes turǵyn úı jaǵdaılaryn jaqsartý maqsatynda Biryńǵaı jınaqtaýshy zeınetaqy qorynan nysanaly jınaq tólemderin paıdalaný qaǵıdalarynda;
- Qazaqstan Respýblıkasy Ǵylym jáne joǵary bilim mınıstriniń 2024 jylǵy 7 aqpandaǵy № 51 jáne Qazaqstan Respýblıkasy Bilim Mınıstriniń 2024 jylǵy 12 aqpandaǵy birlesken buıryǵymen bekitilgen Qazaqstan Respýblıkasynyń zańnamasyna sáıkes bilim berý aqysyn tóleý maqsatynda Biryńǵaı jınaqtaýshy zeınetaqy qorynan nysanaly jınaqtar tólemderin paıdalaný qaǵıdalarynda kózdelgen.
NJ paıdalanýdyń qadamdyq algorıtmi mynadaı sıpatqa ıe:
- 18 jasqa tolǵan NJ alýshy BJZQ nemese elektrondyq úkimettiń ınternet-resýrstarynda, sondaı-aq BJZQ bólimshesine júginý arqyly óziniń NJ somasyn derbes teksere alady.
- Qosymsha málimet retinde, 2023 jyly barlyq NJ alýshylaryna 100,52 AQSh dollary, 2024 jyly – 129,38 AQSh dollary eseptelgenin habarlaımyz. 2006 jyly týǵan azamattardy qospaǵanda, 2023 jyly Ulttyq qordan alǵashqy qarajat eseptelgen balalarǵa aǵymdaǵy jyly 3,04 AQSh dollary mólsherinde ınvestısııalyq kiris esepteldi. Nátıjesinde, 2006 jyly týǵan balanyń nysanaly jınaǵy 100,52 AQSh dollaryna teń bolsa, 2007 jyly týǵan balanyń NJSh-da 232,94 AQSh dollary jınaqtaldy.
- NJ alýshy (ne onyń zańdy ókili) ýákiletti operatordyń (ÝO) ınternet-resýrsy arqyly ÝO-ǵa júginedi, NJ alýshynyń atyna AQSh dollarymen bank shotyn ashady, NJ tólemine onlaın-ótinish beredi.
- ÝO tólemge ótinish qaralǵannan jáne maquldanǵannan keıin 2 jumys kúni ishinde tólemge ótinishtiń tirkelgeni týraly BJZQ-ǵa elektrondyq habarlama jiberedi.
- BJZQ ÝO-dan elektrondyq habarlamany alǵan kúnnen bastap 5 jumys kúni ishinde ÝO-ǵa ótinishte kórsetilgen NJ tóleminiń somasyn NJ alýshynyń atyna AQSh dollarynda ashylǵan bank shotyna odan ári esepteý úshin aýdarady ne sebebin kórsete otyryp, aýdarýdan bas tartatyny týraly habarlaıdy.
- NJ alýshy nemese onyń zańdy ókili NJ somasy bank shotyna túsken kúnnen bastap 45 jumys kúni ishinde ÝO-ǵa NJ tólemderiniń nysanaly paıdalanylýyn rastaıtyn qujattardy usynady.
- ÝO NJ alýshy qujattardy usynǵan kúnnen bastap 10 jumys kúni ishinde olardy tekserip, NJ tólemderin olardyń nysanaly maqsaty boıynsha aýdarady.
- NJ alýshy (nemese onyń zańdy ókili) qujattardy 45 jumys kúni ishinde usynbaǵan jaǵdaıda, ÝO-daǵy NJ tóleminiń somasy BJZQ-ǵa qaıtarylady.
Esterińizge sala keteıik, nysanaly jınaqtar BJZQ-daǵy nysanaly jınaqtaý shotynda AQSh dollarymen 10 jyl boıyna saqtalýy múmkin. Eger osy merzim ishinde azamat ózine tıesili qarajatty paıdalanbasa, bul soma BJZQ-da alýshynyń atyna avtomatty túrde ashylatyn erikti zeınetaqy jarnalaryn (EZJ) esepke alatyn jeke zeınetaqy shotyna aýdarylady. Qarajat QR Ulttyq bankiniń aýdarym kúnindegi resmı baǵamy boıynsha teńgemen esepteledi. Erikti zeınetaqy jınaqtaryn paıdalaný sharttary men tártibi QR zeınetaqy zańnamasynda kózdelgen.
Baǵdarlamanyń sharttarymen, qajetti nusqaýlyqtarmen kids.enpf.kz saıtynda jáne BJZQ/ENPF YouTube-arnasynda tanysyp, ózińizdi qyzyqtyratyn suraqtaryńyzǵa jaýap ala alasyz. Sondaı-aq, «Ulttyq qor – balalarǵa» baǵdarlamasyn iske asyrý, bala kámeletke tolǵanǵa deıin jáne odan keıingi is-qımyl algorıtmi týraly beıne nusqaýlyqty BJZQ/ENPF YouTube-arnasynan kórýge bolady.
